Google Payയ്ക്ക് മികച്ച 6 പകരക്കാർ!

ഇന്ന് ഏത് പണമിടപാടിനും Google Pay ഒരു മികച്ച പേയ്‌മെന്റ് മോഡാണ്. ഉപയോഗിക്കാൻ എളുപ്പമാണെന്നതും, ഇതിന് ഫീസുകളോ മറ്റ് ഈടാക്കലുകളോ ഇല്ലെന്നതും ഉപഭോക്താക്കളെ ഗൂഗിൾ പേയിലേക്ക് ആകർഷിക്കുന്നു. എന്നിരുന്നാലും, Google Payയ്ക്ക് സമാനമായി നിരവധി ഡിജിറ്റൽ വാലറ്റുകൾ ഇന്ന് ലഭ്യമാണ്. ഇവയിൽ പലതും Google payക്കാൾ ആകർഷകമായ ഫീച്ചറുകളുള്ളവയുമാണ്. 
Google Pay-യ്‌ക്ക് പുറമേ അല്ലെങ്കിൽ GPay പകരം ഉപയോഗിക്കാവുന്ന ഇത്തരം ഡിജിറ്റൽ പേയ്മെന്റ് സംവിധാനങ്ങൾ ഏതെല്ലാമെന്ന് പരിചയപ്പെടാം.

Google Payയ്ക്ക് പകരക്കാർ

1. ആപ്പിൾ പേ

Apple Pay ഗൂഗിൾ പേയുമായി വളരെ സാമ്യമുള്ള Digital Payment ആപ്ലിക്കേഷനാണ്. ഉപഭോക്താക്കൾക്ക് ഈ രണ്ട് ഡിജിറ്റൽ വാലറ്റുകളും സാധനങ്ങൾക്കും സേവനങ്ങളും വാങ്ങിക്കാനും, പണമടയ്‌ക്കാനും, സുഹൃത്തുക്കൾക്കും കുടുംബാംഗങ്ങൾക്കും പണം കൈമാറാനും ഉപയോഗിക്കാം.

ആപ്പിളിന്റെ ഉപകരണങ്ങളിൽ ഉപയോഗിക്കാവുന്ന ആപ്പാണ് ആപ്പിൾ പേ. അതിനാൽ തന്നെ ഐഫോൺ, ഐപാഡ് ഉപഭോക്താക്കൾ ഇത് പ്രത്യേകം ഡൗൺലോഡ് ചെയ്യേണ്ടതില്ല. പല ഉപഭോക്താക്കൾക്കും ഐഫോണുകൾ ഉള്ളതിനാൽ, ബിസിനസ്സ് ഉടമകൾ Apple Pay ഒരു പേയ്‌മെന്റ് രീതിയായി പരിഗണിക്കാൻ ആഗ്രഹിച്ചേക്കാം. മറ്റൊരു ശ്രദ്ധേയമായ സവിശേഷത Apple Pay ക്കൊപ്പം ആപ്പിൾ കാഷും വരുന്നു എന്നതാണ്. ഇത് ഒരു ഡിജിറ്റൽ ഡെബിറ്റ് കാർഡിന് സമാനമാണ്. മാത്രമല്ല ഉപഭോക്താക്കൾക്ക് അവർ പണമടയ്ക്കുന്നതിന് കൂടുതൽ സൗകര്യം നൽകുകയും ചെയ്യുന്നു. Google Pay പോലെ, ആപ്പിൾ പേയും ബിസിനസുകൾക്കും ഉപഭോക്താക്കൾക്കും ഉപയോഗിക്കുന്നതിൽ സൗജന്യ സേവനം നൽകുന്നു.

2. സാംസങ് പേ

Samsung Pay ഗൂഗിൾ പേയ്ക്കും ആപ്പിൾ പേയ്ക്കും സമാനമാണ്. സാംസങ് ഉപകരണങ്ങളിൽ മാത്രമേ Samsung Pay ഉപയോഗിക്കാൻ കഴിയൂ എന്നത് ശ്രദ്ധിക്കുക. എന്നാൽ, സുരക്ഷയുടെ കാര്യത്തിൽ, Samsung Pay ഏറ്റവും മികച്ചതാണെന്ന് പറയാം. കൂടാതെ ഓരോ ഇടപാടിനും ഫിംഗർപ്രിന്റ്, പിൻ അല്ലെങ്കിൽ ഐറിസ് സ്കാൻ മുഖേനയുള്ള അൻലോക്കിങ് ആവശ്യമാണ്. Samsung Pay ഉപയോഗിക്കുന്ന ഉപഭോക്താക്കൾക്കോ ​​വ്യാപാരികൾക്കോ ​​യാതൊരു ഫീസും ഈടാക്കുന്നില്ല.

3. സ്ക്രിൽ

ബിസിനസ് സ്ഥാപനങ്ങൾക്ക് ഉപയോഗിക്കാവുന്ന മികച്ച സേവനമാണ് Skrill. കാരണം, വിൽപ്പനക്കാരനും സേവനം വാങ്ങുന്നയാളും തമ്മിലുള്ള ഇടപാടുകൾക്ക് സ്ക്രിൽ ഉപയോഗിക്കാം. കൂടാതെ, ബിസിനസ്സുകളിൽ നിന്ന് ഓൺലൈൻ വാങ്ങലുകൾ നടത്തുന്നതിനും, ക്രിപ്‌റ്റോകറൻസി വിൽക്കുകയും വാങ്ങുകയും ചെയ്യുന്നതിനുമെല്ലാം Skrill ഉപയോഗിക്കാം. വിവിധ തരത്തിലുള്ള ഓൺലൈൻ സാമ്പത്തിക ഇടപാടുകൾ നടത്താൻ Skrill മികച്ച മാർഗമാണ്.
ഗൂഗിൾ പേയുടെ അത്രയും തന്നെ ഉപയോക്താക്കൾ Skrillലുമുണ്ട്. 120-ലധികം രാജ്യങ്ങളിലാണ് സ്ക്രിൽ ഉപയോഗിക്കുന്നത്. ഉപയോക്താക്കൾ ഓൺലൈനായി പണം അയയ്ക്കുമ്പോഴോ സ്വീകരിക്കുമ്പോഴോ വാങ്ങലുകൾക്ക് പണം നൽകുമ്പോഴോ Skrill നിരക്ക് ഈടാക്കുന്നില്ല. എന്നിരുന്നാലും, ഒരു Skrill അക്കൗണ്ടിൽ നിന്ന് പണം പിൻവലിക്കുന്നതിന് ചാർജ് ഈടാക്കുന്നുണ്ട്.

4. സെല്ലെ

വ്യക്തികൾക്കിടയിലും ചെറുകിട ബിസിനസ്സുകൾക്കിടയിലും പണം കൈമാറ്റം ചെയ്യാൻ അനുവദിക്കുന്ന ഒരു പേയ്‌മെന്റ് നെറ്റ്‌വർക്കാണ് Zelle. 
Zelle ഉപയോഗിക്കുന്നതിന്റെ സുപ്രധാന നേട്ടം എന്തെന്നാൽ, പണം വേഗത്തിൽ കൈമാറ്റം ചെയ്യപ്പെടുന്നു എന്നതാണ്. ഇതിന് മിനിറ്റുകൾ മാത്രമേ ആവശ്യമുള്ളൂ.  ചില പേയ്‌മെന്റ് മോഡുകൾക്ക് ദിവസങ്ങൾ ആവശ്യമുള്ളപ്പോൾ അതിവേഗം സേവനം ലഭ്യമാക്കാൻ Zelleയ്ക്ക് സാധിക്കുന്നു.
Zelle ഉപഭോക്താക്കൾക്ക് സൗജന്യ സേവനമാണ് നൽകുന്നത്. ബിസിനസുകളിലാണെങ്കിൽ, അവരുടെ സാമ്പത്തിക സ്ഥാപനമാണ് ഫീസ് നിശ്ചയിക്കുന്നത്.

5. പയോനീർ

ചെറുതും വലുതുമായ ബിസിനസ്സുകളും ഫ്രീലാൻസർമാരും ഉപഭോക്താക്കളും മൊബൈൽ പേയ്‌മെന്റ് പ്ലാറ്റ്‌ഫോമായ Payoneer ഉപയോഗിക്കുന്നു. അവരുടെ ക്ലൈന്റുകൾക്ക് ഇൻവോയ്‌സുകൾ അയച്ച് പേയ്‌മെന്റ് അഭ്യർഥിക്കാൻ ഇത് ബിസിനസുകളെ പ്രാപ്‌തമാക്കുന്നു. ഉപഭോക്താക്കൾക്ക് ഒരു ഇൻവോയ്‌സ് ലഭിച്ചില്ലെങ്കിലും ബിസിനസ്സുകളിലേക്ക് നേരിട്ട് പണം കൈമാറ്റം ചെയ്യാൻ കഴിയും.
Google Payയിൽ നിന്ന് വ്യത്യസ്തമായി, ഈ പേയ്‌മെന്റ് രീതിക്ക് ഒരു അനുബന്ധ പ്രോഗ്രാമുണ്ട്. Payoneer വിജയകരമായി മറ്റുള്ളവരിലേക്ക് പ്രമോട്ട് ചെയ്യുന്നതിലൂടെ ബിസിനസുകൾക്ക് കമ്മീഷനുകൾ നേടാനാകും. ഇടപാടിന്റെ തരവും ബിസിനസിന്റെ സ്ഥാനവും അനുസരിച്ച് Payoneer ഫീസ് ഈടാക്കുന്നു.

6. പേപാൽ

വ്യക്തികൾക്കും ബിസിനസുകൾക്കുമായി ഡിജിറ്റൽ പേയ്‌മെന്റുകളിൽ ഒരു മുൻനിരക്കാരനാണ് PayPal. ഇതിന് 400 ദശലക്ഷത്തിലധികം സജീവ ഉപയോക്താക്കളുണ്ട്. ഇത് ബിസിനസുകൾക്കും ഉപഭോക്താക്കൾക്കും ശക്തമായ സുരക്ഷാ നടപടികൾ വാഗ്ദാനം ചെയ്യുന്നു. ബിസിനസുകൾക്ക് ഇൻവോയ്‌സുകളും എസ്റ്റിമേറ്റുകളും ഉപഭോക്താക്കൾക്ക് അയയ്‌ക്കാനും PayPal സഹായിക്കും.

കൂടാതെ, നിർദിഷ്ട ഉൽപ്പന്നങ്ങൾക്കും സേവനങ്ങൾക്കും പേയ്‌മെന്റ് അഭ്യർഥിക്കുന്നതിനും ബുക്ക് കീപ്പിങ് നടത്തുന്നതിനും ഈ സേവനം എളുപ്പമാണ്. പണം കൈമാറ്റം ചെയ്യുന്നതിന് PayPal ഫീസ് ഈടാക്കില്ല. എന്നാൽ കറൻസി പരിവർത്തനങ്ങളും ചില വാണിജ്യ ഇടപാടുകളും പോലുള്ള മറ്റ് സേവനങ്ങൾക്ക് ഇത് ഈടാക്കുന്നുണ്ട്.

Follow Us

Anju M U

She love to connect you to the latest Technology News and updates. Specialised in topics like Technology, Film and Travel. View Full Profile