ஸ்மார்ட் எலெக்டிரானிக் சாதனங்களை அறிமுகம் செய்யும் பிராண்டான ஸ்வாட் இந்திய சந்தையில் ஏர்லிட் 005 (AirLIT 005) பெயரில் புது ட்ரூ வயர்லெஸ் இயர்பட்ஸ் மாடலை அறிமுகம் செய்து இருக்கிறது. புதிய ஏர்லிட் 005 இயர்பட்ஸ் மாடலில் 10 மில்லிமீட்டர் டிரைவர்கள் வழங்கப்பட்டுள்ளது.
ஸ்வாட் ஏர்லிட் 005 மாடலில் இன் இயர் ரக இயர்பட் மற்றும் சிலிகான் டிப்கள் உள்ளன. இந்த இயர்பட் IPX4 ஸ்வெட் மற்றும் ஸ்பிலாஷ் ரெசிஸ்டண்ட் வசதி, ப்ளூடூத் 5.0 கனெக்டிவிட்டி, டச் கண்ட்ரோல் உள்ளது. இதை கொண்டு பாடல்களை மாற்றுவது, வால்யூம் அட்ஜஸ்ட் செய்வது மற்றும் அழைப்புகளை எளிமையாக மேற்கொள்ள முடியும். இந்த இயர்பட்ஸ் யு.எஸ்.பி. டைப் சி சார்ஜிங் கொண்டுள்ளது.
வித்தியாசமான வடிவம் கொண்டு இருக்கும் புதிய ஸ்வாட் ஏர்லிட் 005 ட்ரூ வயர்லெஸ் இயர்பட்ஸ் காதுகளில் கச்சிதமாக பொருந்திக் கொள்ளும் வகையில் உருவாக்கப்பட்டு இருக்கிறது. இதன் காரணமாக நீண்ட நேரம் பயன்படுத்தினாலும், காதுகளுக்கு சோர்வை ஏற்படுத்தாது.
இதனை சார்ஜ் செய்தால் 5.5 மணி நேரத்திற்கான பேட்டரி பேக்கப் வழங்குகிறது. சார்ஜிங் கேஸ்-ஐ சேர்க்கும் போது மொத்தத்தில் 12 மணி நேர பேக்கப் கிடைக்கும். ஸ்வாட் ஏர்லிட் 005 ட்ரூ வயர்லெஸ் இயர்பட்ஸ் பிளாக் மற்றும் சில்வர் நிறங்களில் கிடைக்கிறது. இதன் அறிமுக விலை ரூ. 899 என நிர்ணயம் செய்யப்பட்டு உள்ளது