ప్రముఖ జర్మనీ ఆడియో పరికరాల తయారీ కంపెనీ Blaupunkt ఇండియన్ మార్కెట్లో మరొక రెండు కొత్త స్మార్ట్ టీవీలను విడుదల చేసింది. ఈ రెండు కొత్ స్మార్ట్ టీవీలను Cybersound సిరీస్ నుండి ప్రకటించింది. సైబర్ సౌండ్ సిరీస్ హెవీ సౌండ్ అందించగల టీవీలు అందిస్తున్న సిరీస్ గా ఇండియాలో ఇప్పటికే పరిచయముంది. ఇప్పుడు ఈ సిరీస్ నుండి ఆకర్షనీయమైన ధరలోనే 40 ఇంచ్ మరియు 43 ఇంచ్ రెండు సైజులో టీవీలను విడుదల చేసింది.
ఈ బ్లూప్లంక్ట్ సైబర్ సౌండ్ కొత్త 40-అంగుళాల టీవీ ధర 15,999 మరియు 43-అంగుళాల FHD TV ధర రూ.19,999. ఈరెండు స్మార్ట్ టీవీలు కూడా మార్చి 12 నుండి ఫ్లిప్కార్ట్ ద్వారా విక్రయించబడతాయి. ఈ టీవీలను SBI క్రెడిట్ కార్డ్ ద్వారా కొనేవారికి 10% డిస్కౌంట్ లభిస్తుంది.
Blaupunkt తన సైబర్ సౌండ్ లైనప్ కు 40-ఇంచ్ HD-Ready (1366 x 768 పిక్సెల్స్) మరియు 43-అంగుళాల FHD టీవీలను కొత్తగా జోడించింది. వీటిలో, 40 ఇంచ్ స్మార్ట్ టీవీ 400 నిట్స్ పీక్ బ్రైట్నెస్ కలిగి ఉండగా, 43 ఇంచ్ టీవీ 500 నిట్స్ బ్రైట్నెస్స్ కలిగివుంది. ఈ రెండు స్మార్ట్ టీవీలు కూడా HDR10 కంటెంట్కు సపోర్ట్ చేస్తాయని కంపెనీ తెలిపింది.
ఈ టీవీలు 40-వాట్ సౌండ్ అందించగల 2-స్పీకర్ యూనిట్స్ నుండి సరౌండ్ సౌండ్ అందిస్తుంది. అలాగే, స్పష్టమైన ఆడియో కోసం ఈ టీవీలలో డిజిటల్ నాయిస్ ఫిల్టర్స్ జతచేయబడింది. ఇన్పుట్-అవుట్పుట్ ఎంపికల కోసం Chromecast, డ్యూయల్-బ్యాండ్ WiFi, బ్లూటూత్, 3 HDMI పోర్ట్లు మరియు 2 USB పోర్ట్లు వున్నాయి. ఈ టీవీలు 1.4 GHz కార్టెక్స్ A53 క్వాడ్-కోర్ ప్రాసెసర్ శక్తితో పనిచేస్తుంది. ఈ టీవీలు 1GB RAM, 8 GB స్టోరేజ్ వస్తాయి మరియు Android TV (v9) సాఫ్ట్వేర్ పైన రాం అవుతాయి.