Xiaomi Mi 10 జూమ్ ఎడిషన్ లేదా Mi 10 Youth Edition 5G, ఇప్పుడు చైనాలో విడుదల చెయ్యబడింది. వాస్తవానికి, ఇది కంపెనీ ఫిబ్రవరిలో లాంచ్ చేసిన లేటెస్ట్ ఫోన్ Mi 10 యొక్క లోయర్ వెర్షన్. ఈ Mi 10 యూత్ ఎడిషన్ 5 జి, వాటర్‌డ్రాప్ నోచ్ డిజైన్‌ తో వస్తుంది. ఈ ఫోన్ యొక్క ప్రత్యేక లక్షణాలలో స్నాప్‌డ్రాగన్ 765 జి SoC, డ్యూయల్-మోడ్ సస్పెన్షన్ ఫ్లూయిడ్ కూలింగ్ సిస్టమ్ మరియు 50x డిజిటల్ జూమ్‌ను అందించే క్వాడ్ కెమెరా సెటప్ వంటివి ఉన్నాయి. ఈ Mi 10 జూమ్ ఎడిషన్ అమ్మకం చైనాలో ఏప్రిల్ 30 నుండి ప్రారంభమవుతుంది.
ఈ లేటెస్ట్, Mi 10 Youth Edition అనేక ర్యామ్ మరియు స్టోరేజ్ ఆప్షన్లలో వస్తుంది. ఈ ఫోన్ యొక్క 6GB + 64GB వేరియంట్ ధర CNY 2,099 (సుమారు రూ .22,500) కాగా, 6GB + 128GB మోడల్ CNY 2,299 (సుమారు రూ .24,700) కు ఇవ్వబడింది. ఇవి కాకుండా, 8GB + 128GB వేరియంట్ లకు CNY 2,499 (సుమారు రూ .26,900) మరియు టాప్ వేరియంట్ 8GB + 256GB కోసం CNY 2,799 (సుమారు రూ .30,100) చెల్లించాల్సి ఉంటుంది. బ్లాక్ స్కిల్ స్టార్మ్, బ్లూబెర్రీ మింట్, ఫోర్ సీజన్స్ స్ప్రింగ్ మిల్క్ గ్రీన్, పీచ్ గ్రేప్ ఫ్రూట్ మరియు వైట్ పీచ్ లాంగ్ కలర్ లో ఈ ఫోన్ పరిచయం చేయబడింది. ఫోన్ ప్రీ-సేల్ ప్రారంభమైంది. చైనాలో , ఈ ఫోన్ అమ్మకం ఏప్రిల్ 30 నుండి ప్రారంభమవుతుంది.
ఈ ఫోన్ ప్రత్యేకతల గురించి మాట్లాడితే, మి 10 జూమ్ ఎడిషన్ డ్యూయల్ సిమ్ సపోర్ట్‌తో వస్తుంది మరియు ఇది ఆండ్రాయిడ్ 10 ఆధారంగా MIUI 11 ఆపరేటింగ్ సిస్టమ్‌లో పనిచేస్తుంది. 1080×2400 పిక్సెళ్ల రిజల్యూషన్‌తో ఒక 6.57-అంగుళాలFHD + డిస్ప్లేను కలిగి ఉన్న ఈ ఫోన్ 180Hz టచ్ శాంప్లింగ్ రేటుతో వస్తుంది. ఈ ఫోను‌కు కార్నింగ్ గొరిల్లా గ్లాస్ 5 మద్దతు ఇస్తుంది మరియు ఈ స్మార్ట్ ఫోన్ అడ్రినో 620 GPU జత చేసిన స్నాప్‌డ్రాగన్ 765G 5G ఆక్టా-కోర్ ప్రాసెసర్‌తో పనిచేస్తుంది.
కెమెరాల విషయానికి వస్తే, మి 10 యూత్ ఎడిషన్ 48 మెగాపిక్సెల్ అల్ట్రా క్లియర్ క్వాడ్ కెమెరాతో వస్తుంది. రెండవ కెమెరా 50x పెరిస్కోప్ జూమ్, 10x హైబ్రిడ్ జూమ్ మరియు 5x ఆప్టికల్ జూమ్ సపోర్ట్‌తో వస్తుంది. మూడవ కెమెరా 8 మెగాపిక్సెల్ అల్ట్రా-వైడ్ యాంగిల్ లెన్స్ మరియు నాల్గవ కెమెరా 2 మెగాపిక్సెల్ మాక్రో లెన్స్ గా ఉంటుంది. కెమెరా ఫీచర్లలో సూపర్ నైట్ సీన్ 2.0, AI స్మార్ట్ స్లిమ్మింగ్, పోర్ట్రెయిట్ బ్లూ అడ్జస్ట్‌మెంట్, 30 fps వద్ద 4 కె వీడియో రికార్డింగ్ ఉన్నాయి. ఈ ఫోన్ ముందు భాగంలో 16 మెగాపిక్సెల్ సెల్ఫీ కెమెరా ఇవ్వబడింది, ఇందులో 3 డి బ్యూటీ మేకప్, ఫ్రంట్ పనోరమా, ఫ్రంట్ హెచ్‌డిఆర్, పోర్ట్రెయిట్ మోడ్, బేబీ బ్యూటీ ఫీచర్లు ఉన్నాయి.
ఈ ఫోన్ 4,160 ఎంఏహెచ్ బ్యాటరీని కలిగి ఉంది, ఇది 22.5W ఫాస్ట్ ఛార్జింగుకు మద్దతు ఇస్తుంది. కనెక్టివిటీ కోసం, 5 జి ఎస్‌ఐ / ఎన్‌ఎస్‌ఏ, యుఎస్‌బి టైప్-సి పోర్ట్, వై-ఫై 5, బ్లూటూత్ వి 5.1, ఎన్‌ఎఫ్‌సి, జిపిఎస్, 3.5 ఎంఎం ఆడియో జాక్ అందించబడ్డాయి. అంతేకాదు, ఈఫోనులో ఆప్టికల్ ఇన్-డిస్ప్లే వేలిముద్ర సెన్సార్ ఉంది.