చాలా రోజులుగా షియోమీ టీజ్ చేస్తున్నటువంటి, రెడ్మి 9 ప్రైమ్ ని ఈ రోజు మధ్యాహ్నం 12 గంటలకి తన అధికారిక వెబ్ సైట్ మరియు యూట్యూబ్ ఛానల్ నుండి ఆన్లైన్ వర్చువల్ ఈవెంట్ ద్వారా లాంచ్ చేయడానికి సిద్ధమవుతోంది. అంతేకాదు, ఈ Redmi 9 Prime పూర్తి హెచ్డి + డిస్ప్లే తో లాంచ్ చేయనున్నట్లు ప్రకటించింది, ఈ విషయాన్ని గ్లోబల్ విపి మరియు షియోమి ఎండి మను కుమార్ జైన్ వెల్లడించారు. రెడ్మి 9 ప్రైమ్ సంస్థ యొక్క బడ్జెట్ విభాగంలో లేటెస్ట్ ఫోన్ గా ఈరోజు భారతదేశంలో విడుదల కానుంది. వాటర్ డ్రాప్ నాచ్తో ఫుల్ హెచ్డి + డిస్ప్లేను కలిగి ఉన్నట్లు ఈ ఫోన్ టీజింగ్ వచ్చింది మరియు రెడ్మి 9 ప్రైమ్ గత నెల ప్రారంభంలో లాంచ్ చేసిన రెడ్మి 9 ను చాలా వరకూ పోలి ఉంటుంది.
షియోమి రెడ్ మీ నోట్ 9 ఒక 6.53-అంగుళాల ఫుల్ హెచ్డి ప్లస్ డిస్ప్లేను 1080×2340 పిక్సెల్స్ రిజల్యూషన్తో కలిగి ఉంది. అలాగే, ఈ స్మార్ట్ ఫోన్ స్క్రీన్ రక్షణ కోసం కార్నింగ్ గొరిల్లా గ్లాస్ 5 మరియు మెరుగైన పనితీరు కోసం మీడియాటెక్ Helio G 85 ప్రాసెసర్ సపోర్ట్ తో వస్తుంది. అదే సమయంలో, ఈ స్మార్ట్ ఫోన్ ఆండ్రాయిడ్ 10 ఆధారితమైన MIUI 11 ఆపరేటింగ్ సిస్టమ్ లో పనిచేస్తుంది.
కెమెరా గురించి మాట్లాడితే, వినియోగదారులకు రెడ్ మీ నోట్ 9 స్మార్ట్ ఫోన్ లో క్వాడ్ కెమెరా సెటప్ లభిస్తుంది. ఇందులో, 48 మెగాపిక్సెల్ శామ్సంగ్ ISOCELL సెన్సార్, 8 మెగాపిక్సెల్ అల్ట్రా వైడ్-లెన్స్, 2 మెగాపిక్సెల్ మాక్రో లెన్స్ మరియు 2 మెగాపిక్సెల్ వంటి కెమేరాలు ఉన్నాయి. ఈ ఫోన్ ముందు భాగంలో 13 మెగాపిక్సెల్ సెల్ఫీ కెమెరా కూడా ఉంది.
కనెక్టివిటీ కోసం రెడ్ మీ నోట్ 9 లో 4 జి వోల్టీ, వై-ఫై, బ్లూటూత్ వెర్షన్ 5.0, జిపిఎస్, 3.5 ఎంఎం హెడ్ ఫోన్ జాక్ మరియు యుఎస్బి పోర్ట్ టైప్-సి ఉన్నాయి. అదనంగా, వినియోగదారులు ఈ రెడ్ మీ నోట్ 9 లో 5,020 ఎమ్ఏహెచ్ బ్యాటరీని పొందుతారు, ఇది 22.5W ఫాస్ట్ ఛార్జింగ్ కి మద్దతు ఇస్తుంది.