xiaomi తన 11 సిరీస్ నుండి మరొక కొత్త స్మార్ట్ ఫోన్ Xiaomi 11i ను ఇండియాలో విడుదల చెయ్యడానికి డేట్ ఫిక్స్ చేసింది. అయితే, ఇప్పటికే ఈ సిరీస్ నుండి 5 స్మార్ట్ ఫోన్లను అందించిన షియోమి ఇప్పుడు మరొక కొత్త స్మార్ట్ ఫోన్ కూడా తీసుకురావడం విశేషం. ఇది మాత్రమే కాదు, ఈ Xiaomi 11i 5G స్మార్ట్ ఫోన్ కేవలం 15 నిముషాల్లోనే 100% ఛార్జ్ చేసే భారీ ఫీచర్లతో విడుదల చేయడానికి సిద్ధమవుతున్నట్లు ప్రకటించింది.
ఈ ఫోన్ ను జనవరి 6 న ఇండియాలో లాంచ్ చేయనుంది మరియు ఇందులో భారీ 120W ఫాస్ట్ ఛార్జింగ్ సపోర్ట్ తో తీసుకువస్తున్నట్లు టీజింగ్ ద్వారా వెల్లడించింది. ఈ ఫోన్ Flipkart ప్రత్యేకంగా తీసుకువస్తోంది మరియు ఇప్పటికే ఫ్లిప్ కార్ట్ ఈ ఫోన్ కోసం ప్రత్యేకమైన మైక్రో సైట్ పేజ్ ను అందించింది.
ఇక ఈ ఫోన్ గురించి టీజ్ చేస్తున్న మరిన్ని విషయాలను చూస్తే, ఈ ఫోన్ లో 120Hz రిఫ్రెష్ రేట్ కలిగిన FHD+ రిజల్యూషన్ AMOLED డిస్ప్లేని కూడా ఈ ఫోన్ లో అందించింది. అంతేకాదు, DOLBY ATMOS సౌండ్ టెక్నలాజి సపోర్ట్ కూడా ఈ ఫోన్ కలిగి ఉన్నట్లు స్పెక్స్ లీక్ చేసింది.
ఈ ఫోన్ కలర్ అప్షన్ లతో పాటుగా వెనుక కెమెరా సెటప్ వివరాలను కూడా టీజింగ్ ఫొటో ద్వారా చూడవచ్చు. టీజింగ్ ద్వారా, ఈ ఫోన్ వెనుక ట్రిపుల్ రియర్ కెమెరా మరియు LED ఫ్లాష్ లైట్ ను కూడా కలిగి వుంది. ఇందులో 108 MP మైన్ కెమెరాని కంపెనీ నిర్ధారించింది. ఈ ఫోన్ పసిఫిక్ పెర్ల్ మరియు స్టెల్త్ బ్లాక్ అనే రెండు కలర్ అప్షన్ లలో కనిపిస్తోంది. ఇంకా మరికొన్ని ఫీచర్లను విడుదల కంటే ముందుగానే షియోమి వెల్లడించనుంది.