ఇటీవల టెక్నో కేవలం 9,000 రూపాయల ధరలో Tecno Spark 8T లాంచ్ చేసిన టెక్నో ఈరోజు ఇదే సిరీస్ నుండి మరొక స్మార్ట్ ఫోన్ ను బడ్జెట్ ధరలో 48MP కెమెరా మరియు మరిన్ని ఫీచర్లతో లాంచ్ చేసింది. ఈ ఫోన్ 10 వేల బడ్జెట్ ధరలో పెద్ద FHD+ డిస్ప్లే, వేగవంతమైన గేమింగ్ ప్రోసెసర్ మరియు 48MP ట్రిపుల్ కెమెరా వంటి మరిన్ని ఫీచర్లతో ఇండియన్ మార్కెట్లోకి అడుగుపెట్టింది.
టెక్నో స్పార్క్ 8 Pro స్మార్ట్ ఫోన్ ను 4GB ర్యామ్ మరియు 64GB ఇంటర్నల్ స్టోరేజ్ తో కేవలం రూ.10,599 రూపాయల ప్రారంభ ధరతో విడుదల చేసింది. ఈ స్మార్ట్ ఫోన్ జనవరి 4న ఆమెజాన్ నుండి సేల్ కి అందుబాటులో ఉంటుంది.
టెక్నో స్పార్క్ 8 ప్రో స్మార్ట్ ఫోన్ పెద్ద 6.8 ఇంచ్ FHD+ (2460×1080) రిజల్యూషన్ డిస్ప్లేని కలిగివుంటుంది. ఈ ఫోన్ వేగవంతమైన మీడియాటెక్ గేమింగ్ ప్రోసెసర్ Helio G85 ఆక్టా కోర్ ప్రోసెసర్ జతగా 6GB ర్యామ్ తో వస్తుంది. అలాగే, ఈ ఫోన్ లేటెస్ట్ HiOS 7.6 స్కిన్ పైన ఆండ్రాయిడ్ 11 OS తో నడుస్తుంది.
ఈ ఫోన్ వెనుక ట్రిపుల్ కెమెరా సెటప్ కలిగివుంది. ఇందులో 48MP మైన్ సెన్సార్ కి జతగా 2MP పోర్ట్రైట్ సెన్సార్ మరియు AI సెన్సార్ ని కలిగివుంటుంది. ముందు భాగంలో, సెల్ఫీల కోసం 8MP సెన్సార్ సెల్ఫీ కెమెరాను కూడా కలిగివుంది. ఈ కెమెరాతో 2K Time-Lapse ఫోటో గ్రఫీ మరియు Slo-Mo వీడియోలను కూడా రికార్డ్ చేయవచ్చు. ఈ లేటెస్ట్ టెక్నో ఫోన్ 33W ఫాస్ట్ ఛార్జింగ్ సపోర్ట్ చేసే పెద్ద 5000mAh బ్యాటరీతో వచ్చింది.