tecno pop 8 launched with dual dts speakers and 90hz display
టెక్నో బ్రాండ్ నుండి కొత్త స్మార్ట్ ఫోన్ రోజు ఇండియన్ మార్కెట్ లో విడుదల అయ్యింది. అదే, టెక్నో సరికొత్తగా విడుదల చేసిన Tecno Pop 8 స్మార్ట్ ఫోన్. టెక్నో ఈ స్మార్ట్ ఫోన్ ను డ్యూయల్ DTS స్పీకర్లు మరియు 4GB మెమొరీ ఫ్యూజన్ వంటి మరిన్ని ఫీచర్లతో లాంచ్ చెయ్యబడింది. ఈ ఫోన్ ను బడ్జెట్ ధరలో మరియు బ్యాంక్ ఆఫర్లతో టెక్నో లాంచ్ చేసింది. టెక్నో పాప్ 8 స్మార్ట్ ఫోన్ యొక్క ధర మరియు ఫీచర్లు ఎలా ఉన్నాయో వివరంగా తెలుసుకోండి.
టెక్నో పాప్ 8 స్మార్ట్ ఫోన్ ను రూ. 6,499 రూపాయల ధరతో విడుదల చేసింది. అయితే, లాంచ్ ఆఫర్ లో భాగంగా బ్యాంక్ డిస్కౌంట్ తో కలిపి రూ. 5,999 ధరకే అందిస్తున్నట్లు తెలిపింది. టెక్నో పాప్ 8 స్మార్ట్ ఫోన్ జనవరి 9వ తేదీ మొదటి సారి సేల్ కి అందుబాటులోకి వస్తుంది. ఈ ఫోన్ అమేజాన్ ఇండియా నుండి సేల్ అవుతుంది.
Also Read : Moto G34 5G: మోటో అప్ కమింగ్ బడ్జెట్ 5G ఫోన్ లాంచ్ డేట్ మరియు ఫీచర్లు లీక్.!
టెక్నో పాప్ 8 స్మార్ట్ ఫోన్ ను డైనమిక్ పోర్ట్ ఫీచర్ మరియు 90Hz రిఫ్రెష్ రేట్ కలిగిన 6.6 ఇంచ్ HD+ డిస్ప్లేతో లాంచ్ చేసింది. ఈ టెక్నో స్మార్ట్ ఫోన్ Unisoc T606 ఆక్టా కోర్ 4జి ప్రోసెసర్ తో లాంచ్ చేసింది. ఇది 4GB ర్యామ్ మరియు 4GB మెమొరీ ఫ్యూజన్ ఫీచర్ తో 8GB RAM ఫీచర్ తో వస్తుంది. ఈ ఫోన్ లో సైడ్ ఫింగర్ ప్రింట్ సెన్సార్ మరియు విలక్షణమైన డిజైన్ ను కలిగి ఉంటుంది.
ఈ టెక్నో కొత్త ఫోన్ 12MP AI డ్యూయల్ రేర్ కెమేరా మరియు 8MP సెల్ఫీ కెమేరాని కలిగి వుంది. ఈ ఫోన్ లో టైప్ C ఛార్జ్ పోర్ట్ తో 5000mAh బిగ్ బ్యాటరీని అందించింది. ఈ టెక్నో ఫోన్ HiOS 13.0 సాఫ్ట్ వేర్ తో పనిచేసే Android 13 Go Edition స్మార్ట్ ఫోన్. ఇందులో పెద్ద సౌండ్ అందించ గల డ్యూయల్ DTS Speaker లను కలిగి వుందని మరియు ఈ సెగ్మెంట్ లో ఈ ఫీచర్ తో వచ్చిన మొదటి ఫోన్ అని టెక్నో తెలిపింది.