ఇండియాలో మరొక కొత్త స్మార్ట్ ఫోన్ లాంచ్ చెయ్యడానికి టెక్నో సిద్దమవుతోంది. మే 25 వ తేదీ మధ్యాహ్నం 12 గంటలకి Tecno Spark 7 Pro స్మార్ట్ ఫోన్ ను లాంచ్ చేయనున్నట్లు ప్రకటించింది. ఈ ఫోన్ ను పంచ్ హోల్ మరియు స్టయిలిష్ డిజైన్ తో లాంచ్ చేస్తోంది. ఈ ఫోన్ మంచి ఫీచర్లతో బడ్జెట్ ధరలోనే మార్కెట్ లోకి రావచ్చు.
Tecno Spark 7 Pro లో 6.6 అంగుళాల పంచ్ హోల్ డిజైన్ డిస్ప్లేని HD+ రిజల్యూషన్ తో కలిగి వుంటుంది. ఈ ఫోన్ మీడియా టెక్ హీలియో G80 చిప్ సెట్ తో 4 జిబి / 64 జిబి, 4 జిబి / 128 జిబి మరియు 6 జిబి / 128 జిబి వేరియంట్లలో అందించబడుతుంది. అధనపు స్టోరేజ్ కోసం మైక్రో SD కార్డు అప్షన్ కూడా వుంటుంది.
ఈ ఫోన్ వెనుక ట్రిపుల్ కెమెరా సెటప్ చాలా పెద్దగా ఆకర్షణీయంగా కనిపించేలా డిజైన్ చేసారు. ఈ సెటప్ లో 48MP ప్రధాన కెమెరా కలిగిన AI ట్రిపుల్ కెమెరాలు ఉంటాయి. ఇక ఫోన్ ముందు భాగంలో వున్నా పంచ్ హోల్ కటౌట్ లో 16MP సెల్ఫీ కెమెరా కూడా వుంటుంది.
టెక్నో స్పార్క్ 7 ప్రో పెద్ద 5,000 mAh బ్యాటరీని 10W ఫాస్ట్ ఛార్జింగ్ సపోర్ట్ తో కలిగి వుంటుంది. ఈ ఫోన్ HiOS 7.5 స్కిన్ పైన ఆండ్రాయిడ్ 11 తో పనిచేస్తుంది. వెనుక ఫింగర్ ప్రింట్ సెన్సార్ మరియు ఫాస్ట్ కనెక్టివిటీ సపోర్ట్ తో వస్తుంది.