శామ్సంగ్ తన లేటెస్ట్ 5G స్మార్ట్ ఫోనుగా Samsung Galaxy M53 5G ని విడుదల చెయ్యడానికి సిద్ధమవుతోంది. శామ్సంగ్ ఈ సంవత్సరం M సిరీస్ నుండి చాలా వేగంగా ఫోన్లను ప్రకటిస్తునట్లు కనిపిస్తోంది. అదే వరుసలో శామ్సంగ్ గెలాక్సీ M53 2022 లో M సిరీస్ యొక్క 3వ స్మార్ట్ ఫోన్ అవుతుంది. ఈ గెలాక్సీ M53 5G ప్రస్తుతం శామ్సంగ్ మొబైల్ ప్రెస్ వెబ్సైట్లో జాబితా చేయబడింది. ఇందులో ఈ ఫోన్ యొక్క కీలకమైన వివరాలను కూడా వెల్లడించింది. గెలాక్సీ ఎం53 5జి స్మార్ట్ ఫోన్ 108MP భారీ కెమెరా సెటప్, వేగవంతమైన 5G ప్రోసెసర్ మరియు 120Hz సూపర్ AMOLED డిస్ప్లే వంటి భారీ ప్రత్యేకతలను కలిగివుంది. ఇంకెందుకు ఆలశ్యం ఈ అప్ కమింగ్ శామ్సంగ్ 5G స్మార్ట్ ఫోన్ గురించి అన్ని వివరాలను తెలుసుకుందాం పదండి.
ఈ అప్ కమింగ్ స్మార్ట్ ఫోన్ గురించి ఆన్లైన్ లో రివీల్ చేసిన స్పెక్స్ విషయానికి వస్తే, గెలాక్సీ ఎం53 5జి స్మార్ట్ ఫోన్ లో ఇన్ఫినిటీ-0 కటౌట్ కలిగిన 6.7- ఇంచ్ Super AMOELD డిస్ప్లేని కలిగివుంది. ఈ డిస్ప్లే FHD+ రిజల్యూషన్ మరియు 120Hz రిఫ్రెష్ రేట్ తో ఉంటుంది. ఈ ఫోన్ లో ఎటువంటి ప్రాసెసర్ తో వస్తుందనే విషయాన్ని ఇంకా వెల్లడించలేదు. కానీ, Dimensity 900 SoC కి జతగా 6GB RAM మరియు 128GB ఇంటర్నల్ స్టోరేజ్తో వస్తుందని ఊహస్తున్నారు.
ఈ ఫోన్ 25W ఫాస్ట్ ఛార్జింగ్ సపోర్ట్ కలిగిన 5000 mAh భారీ బ్యాటరీని కలిగివుంటుంది. ఈ ఫోన్ లో 32MP సెల్ఫీ కెమెరాను ఇన్ఫినిటీ-0 కటౌట్ లో కలిగివుంటుంది. అలాగే, 108MP ప్రధాన సెన్సార్, 8MP అల్ట్రావైడ్, 2MP డెప్త్ సెన్సార్ మరియు 2MP మాక్రో సెన్సార్ కలిగిన క్వాడ్ రియర్ కెమెరా మాడ్యూల్ను వుంది. ఈ ఫోన్ ఆండ్రాయిడ్ 12 ఆధారితంగా One UI 4.1 సాఫ్ట్ వేర్ పైన పనిచేస్తుంది.