realme announces Realme P3x 5G india launch
Realme P3x 5G స్మార్ట్ ఫోన్ ను కూడా ఇండియాలో విడుదల చేయనున్నట్లు రియల్ మీ అనౌన్స్ చేసింది. ఇటీవల ప్రకటించిన Realme P3 Pro 5G తో పాటు ఈ ఫోన్ ను కూడా లాంచ్ చేస్తున్నట్లు అధికారికంగా ప్రకటించింది. ఈ ఫోన్ డిజైన్ మరియు కీలకమైన ఫీచర్స్ తో రియల్ మీ టీజర్ ను అందించింది. ఇప్పటి వరకు కేవలం రియల్ మీ పి 3 ప్రో ఫోన్ తో మాత్రమే టీజింగ్ చేస్తున్న రియల్ మీ ఇప్పుడు ఇదే సిరీస్ నుంచి రాబోతున్న మరో అప్ కమింగ్ ఫోన్ తో కూడా టీజింగ్ మొదలు పెట్టింది.
రియల్ మీ పి 3x 5జి స్మార్ట్ ఫోన్ ను కూడా రియల్ మీ పి 3 ప్రో తో పాటు ఫిబ్రవరి 18 వ తేదీ మధ్యాహ్నం 12 గంటలకు ఇండియాలో లాంచ్ చేస్తున్నట్లు రియల్ మీ ప్రకటించింది. ఈ ఫోన్ కోసం కూడా ఫ్లిప్ కార్ట్ సేల్ పార్ట్నర్ గా వ్యవహరిస్తోంది.
Also Read: Noise Master Buds: స్టన్నింగ్ డిజైన్ మరియు BOSE సౌండ్ తో బడ్జెట్ ధరలో లాంచ్ అయ్యింది.!
రియల్ మీ పి 3x 5జి స్మార్ట్ ఫోన్ చాలా స్లీక్ డిజైన్ తో వస్తోంది. ఈ ఫోన్ కేవలం 7.94mm మందంతో ఉంటుంది మరియు చాలా తేలికగా కూడా ఉంటుందట. ఈ ఫోన్ ప్రీమియం వేగాన్ లెథర్ బ్యాక్ తో వస్తోంది. ఈ స్మార్ట్ ఫోన్ ను మిడ్ నైట్ బ్లూ, లూనార్ సిల్వర్ మరియు స్టెల్లార్ పింక్ మూడు కలర్ ఆప్షన్ లలో అందిస్తున్నట్లు కూడా రియల్ మీ అనౌన్స్ చేసింది.
ఈ అప్ కమింగ్ రియల్ మీ స్మార్ట్ ఫోన్ ను మీడియాటెక్ Dimensity 6400 5G చిప్ సెట్ తో రియల్ మీ లాంచ్ చేస్తోంది. అంతేకాదు, ఈ ఫోన్ ను టాప్ టైర్ వాటర్ ప్రూఫ్ IP69 రేటింగ్ తో అందిస్తుంది. అంటే, ఇది వాటర్ మరియు డస్ట్ రెసిస్టెంట్ గా ఉంటుంది. ఈ ఫోన్ లో 6000 mAh బిగ్ బ్యాటరీ కూడా ఉంటుంది. రియల్ మీ పి 3x 5జి స్మార్ట్ ఫోన్ లో వెనుక 50MP డ్యూయల్ రియర్ కెమెరా సెటప్ ఉంటుంది.
