షియోమీ POCO F4 5G స్మార్ట్ ఫోన్ ను ప్రపంచ వ్యాప్తంగా విడుదల చేసింది. ఈ స్మార్ట్ ఫోన్ ను DolbyVision డిస్ప్లే మరియు Atmos సౌండ్ సపోర్ట్ తో సహా గొప్ప ఫీచర్లతో అందించింది. అంతేకాదు, ఇండియాలో ఈ స్మార్ట్ ఫోన్ పైన ఆకర్షణీయమైన లాంచ్ బ్యాంక్ ఆఫర్లను కూడా ప్రకటించింది. మరి ఈ లేటెస్ట్ పోకో హై ఎండ్ స్మార్ట్ ఫోన్ యొక్క ధర, స్పెక్స్ మరియు ఫీచర్ ల గురించి తెలుసుకుందామా.
POCO F4 5G స్మార్ట్ ఫోన్ 6.67 ఇంచ్ డిస్ప్లేని FHD+ రిజల్యూషన్ తో కలిగివుంటుంది. ఈ డిస్ప్లే Dolby Vision సపోర్ట్ కలిగిన E4 సూపర్ AMOLED డిస్ప్లే మరియు 120Hz రిఫ్రెష్ రేట్ తో వస్తుంది. ఈ డిస్ప్లే సెల్ఫీ కెమెరా కోసం మధ్యలో పంచ్-హోల్ డిజైన్ తో కలిగి వుంటుంది. అధనంగా, ఈ డిస్ప్లే 360Hz టచ్ శాంప్లింగ్ రేట్ మరియు MEMC టెక్నాలజీతో కూడా వుంది. ఈ డిస్ప్లే గరిష్టంగా 1300 నిట్స్ పీక్ బ్రైట్నెస్ ను అందిస్తుంది.
ఈ ఫోన్ గరిష్టంగా 3.2GHz క్లాక్ స్పీడ్ అందించ గల క్వాల్కమ్ స్నాప్ డ్రాగన్ 870 ప్రాసెసర్ కలిగి ఆక్టా-కోర్ CPU మరియు అడ్రినో 650 GPU తో పనిచేస్తుంది. ఇది 12GB LPDDR5 RAM మరియు 256GB UFS 3.1 ROM వరకూ స్టోరేజ్ తో వస్తుంది. అంతేకాదు, ఇది ఎర్గోనామిక్ ఫ్లాట్ సైడ్స్ తో ప్రీమియం డిజైన్ తో కూడా ఉన్నట్లు పోకో తెలిపింది.
పోకో F4 5G కెమెరాల విషయానికి వస్తే, ఈ ఫోన్ వెనుక ట్రిపుల్ కెమెరాతో వస్తుంది. ఇందులో, ఆప్టిక్ ఇమేజ్ స్టెబిలైజేషన్ (OIS) తో 64MP మైన్ కెమెరాని జతగా 8MP అల్ట్రా వైడ్ కెమెరా మరియు 2MP మ్యాక్రో సెన్సార్ కలిగివుంటుంది. అలాగే, ఈ ఫోన్ లో కెమెరాలు బ్లర్ ను తగ్గించే విధ్దంగా రూపొందించబడినట్లు కూడా చెబుతోంది. ఈ ఫోన్ ను వేగంగా చల్లబర్చడానికి 7 లేయర్ గ్రాఫైట్ షీట్స్ కలిగిన 3112mm వేపర్ ఛాంబర్ ను కూడా కలిగి వుంది. ఈ ఫోన్ 4500mAh బ్యాటరీని 67W ఫాస్ట్ ఛార్జింగ్ సపోర్ట్ తో కలిగి ఉంటుంది.
పోకో ఈ స్మార్ట్ ఫోన్ ను మూడు వేరియంట్స్ లో అందించింది. వీటిని ఈ క్రింద చూడవచ్చు.
POCO F4 5G (6GB + 128GB) ధర: రూ.27,999
POCO F4 5G (8GB + 128GB) ధర: రూ.29,999
POCO F4 5G (12GB + 256GB) ధర: రూ.33,999
ఇక ఈ ఫోన్ పైన అందించిన లాంచ్ ఆఫర్ల విషయానికి వస్తే, SBI బ్యాంక్ క్రెడిట్, డెబిట్ మరియు క్రెడిట్ కార్డ్ EMI అప్షన్లలో ఈ ఫోన్ కొనేవారికి 3,000 రూపాయల డిస్కౌంట్ లభిస్తుంది. అలాగే, ప్రీపెయిడ్ అప్షన్ ద్వారా చెల్లించే వారికీ 1,000 రూపాయల డిస్కౌంట్ కూడా పొందవచ్చు. ఈ స్మార్ట్ ఫోన్ యొక్క మొదటి సేల్ Flipkart నుండి జూన్ 27 న జరగుతుంది.