Motorola G04s with 50mp camera launched
Motorola G04s: మోటోరోలా నుండి కొత్త బడ్జెట్ స్మార్ట్ ఫోన్ ఈరోజు విడుదలయ్యింది. అదే, మోటోరోలా జి04s స్మార్ట్ ఫోన్ మరియు ఈ ఫోన్ ను 7 వేల రూపాయల ఉప బడ్జెట్ లో 50MP కెమెరా వంటి మరిన్ని ఫీచర్లతో ఇండియన్ మార్కెట్లో విడుదల చేసింది. ఈరోజే మార్కెట్లో కొత్తగా అడుగుపెట్టిన ఈ ఫోన్ యొక్క ఫీచర్స్, స్పెక్స్ మరియు ప్రైస్ వివరాల పై ఒక లుక్కేద్దామా.
మోటోరోలా జి04s స్మార్ట్ ఫోన్ ను కేవలం రూ. 6,999 ధరలో (4GB + 64GB) సింగిల్ వేరియంట్ తో విడుదల చేసింది. ఈ స్మార్ట్ ఫోన్ కాంకర్డ్ బ్లాక్, శాటిన్ బ్లూ, సి గ్రీన్ మరియు సన్ రైజ్ ఆరెంజ్ వంటి నాలుగు కలర్ ఆప్షన్ లలో అందించింది. జూన్ 5వ తేది మధ్యాహ్నం 12 గంటల నుండి ఈ ఫోన్ Flipkart నుండి సేల్ కి అందుబాటులోకి వస్తుంది.
మోటోరోలా జి04s స్మార్ ఫోన్ 6.6 ఇంచ్ బిగ్ డిస్ప్లేని కలిగి ఉంటుంది. ఇది HD+ రిజల్యూషన్ మరియు 90 Hz రిఫ్రెష్ రేట్ ను కలిగి ఉంటుంది. ఈ ఫోన్ UNISOC T606 ఆక్టా కోర్ 4G ప్రోసెసర్ మరియు 4GB RAM తో వస్తుంది. ఈ ఫోన్ లో 4GB ర్యామ్ బూస్ట్ ఫీచర్ వుంది మరియు 64GB ఇంటర్నల్ స్టోరేజ్ ను కూడా కలిగి ఉంటుంది.
Also Read: Nothing Phone (2a) స్పెషల్ ఎడిషన్ వచ్చేసింది.. ధర మరియు ఫీచర్లు ఇవే.!
ఇక ఈ ఫోన్ లో అందించిన కెమెరా విషయానికి వస్తే, ఈ ఫోన్ 50MP సింగల్ రియర్ కెమెరాతో వస్తుంది మరియు ముందు 5MP సెల్ఫీ కెమెరా కూడా వుంది. ఈ ఫోన్ తో 30 fps వద్ద FHD వీడియోలను షూట్ చేయవచ్చు మరియు అనేకమైన కెమెరా ఫిల్టర్ లను కూడా ఈ ఫోన్ కలిగి ఉంటుందని కూడా కంపెనీ తెలిపింది.
ఈ ఫోన్ లో అందించిన ఇతర ఫీచర్స్ విషయానికి వస్తే, ఈ ఫోన్ లో ట్రిపుల్ కార్డ్ స్లాట్, Dolby Atmos సౌండ్ సపోర్ట్, ఆండ్రాయిడ్ 14OS వంటి ఫీచర్లు ఉన్నాయి. ప్రత్యేకమైన మైక్రో SD కార్డ్ తో ఈ ఫోన్ స్టోరేజ్ ను 1TB వరకూ పెంచుకునే అవకాశం కూడా వుంది.