మోటోరోలా ఇండియాలో లేటెస్ట్ గా విడుదల చేసిన కొత్త స్మార్ట్ ఫోన్ Moto G73 5G మొదటిసారిగా సేల్ కి అందుబాటులోకి రానున్నది. ఈ స్మార్ట్ ఫోన్ పైన లాంచ్ అఫర్ లో భాగంగా మోటోరోలా మంచి ఆఫర్లను కూడా జతచేసింది. అంటే, ఈ స్మార్ట్ ఫోన్ ను ఫస్ట్ సేల్ నుండే మీరు మంచి అఫర్ తో కొనుగోలు చేసే వీలుంది. ఈ స్మార్ట్ ఫోన్ యొక్క ధర, స్పెక్స్ మరియు అఫర్ వివరాలను తెలుసుకోండి.
Moto G73 5G స్మార్ట్ ఫోన్ ను కేవలం 8GB RAM + 128GB స్టోరేజ్ సింగిల్ అప్షన్ తో రూ.18,999 ధరతో విడుదల చేసింది. ఈ స్మార్ట్ ఫోన్ యొక్క మొదటి సేల్ మార్చి 16వ తేదీ మధ్యాహ్నం 12 గంటల నుండి Flipkart ద్వారా సేల్ కి అందుబాటులోకి వస్తుంది. ఈ ఫోన్ పైన అందించిన ఎక్స్ చేంజ్ అఫర్ లో భాగంగా 2,000 అదనపు డిస్కౌంట్ ను మీరు పొందవచ్చు. ఈ ఫోన్ పైన బ్యాంక్ ఆఫర్లు కూడా అంధుబాటులో వున్నాయి.
Moto G73 5G స్మార్ట్ ఫోన్ 6.5 ఇంచ్ FHD+ IPS LCD డిస్ప్లేని కలిగివుంటుంది. ఈ డిస్ప్లే 120Hz రిఫ్రెష్ రేట్ తో వస్తుంది మరియు ఫోన్ 8.29. మందతో ఉంటుంది. ఈ ఫోన్ లో సెల్ఫీ కెమెరా కోసం పైన మధ్య భాగంలో పంచ్ హోల్ డిజైన్ తో ఉంటుంది. ఈ ఫోన్ మీడియాటెక్ Dimensity 930 5G ఆక్టా కోర్ ప్రాసెసర్ శక్తితో పనిచేస్తుంది. దీనికి జతగా 8GB ర్యామ్ మరియు 128GB స్టోరేజ్ లను కలిగివుంటుంది.
ఆప్టిక్స్ పరంగా, ఈ ఫోన్ వెనుక 50MP+8MP రియర్ కెమెరాతో వుంది. ఇందులోని మైన కెమేరా 2 um Ultra-Pixel technology తో వస్తుంది. ముందు పంచ్ హోల్ లో 16MP సెల్ఫీ కెమెరాని ఈ ఫోన్ కలిగివుంది. ఈ ఫోన్ 5,000 mAh బిగ్ బ్యాటరీని 30W ఫాస్ట్ ఛార్జింగ్ సపోర్ట్ తో కలిగివుంది.
ఈ ఫోన్ ఇతర ఫీచర్ల విషయానికి వస్తే, ఇది నియర్ స్టాక్ ఆండ్రాయిడ్ 13 OS, BT 5.2, 4x4MIMO మరియు 13 ఇండియన్ 5G బ్యాండ్స్ కు ఈ ఫోన్ సపోర్ట్ చేస్తుందని కూడా మోటో తెలిపింది. అంతేకాదు, ఈ ఫోన్ లో Dolby Atmos సపోర్ట్ కలిగిన డ్యూయల్ స్టీరియో స్పీకర్లు కూడా ఉన్నాయి.