iQOO Z9X 5G: మే 16 న వస్తున్న కొత్త ఫోన్.. ఫీచర్స్ ఎలా ఉన్నాయంటే.!

iQOO Z9X 5G: ఐకూ సక్సెస్ బడ్జెట్ ఫుల్ సిరీస్ Z9 సిరీస్ నుంచి మరో కొత్త ఫోన్ ను లాంచ్ చేస్తున్నట్లు ప్రకటించింది. అదే, ఐకూ జెడ్ 9x 5జి స్మార్ట్ ఫోన్ మరియు ఈ ఫోన్ ను మే 16 వ తేదీ భారత్ ట్లో లాంచ్ చేయబోతున్నట్లు ప్రకటించింది. ఈ స్మార్ట్ ఫోన్ యొక్క కీలకమైన ఫీచర్స్ ను తెలియ చేస్తూ టీజింగ్ ను కూడా ఐకూ మొదలు పెట్టింది.

iQOO Z9X 5G: Launch

పైన తెలిపిన విధంగా మే 16 న ఐకూ జెడ్ 9x 5జి స్మార్ట్ ఫోన్ ఇండియాలో లాంచ్ చేయడానికి సిద్ధమవుతుంది. ఈ ఫోన్ లాంచ్ తర్వాత అమెజాన్ నుండి సేల్ కి అందుబాటులోకి వస్తుంది. ఈ ఫోన్ ను ఫీచర్స్ తో అమెజాన్ మైక్రో సైట్ పేజి ను అందించి, దాని ద్వారా టీజింగ్ చేస్తోంది.

iQOO Z9X 5G: టీజ్ ఫీచర్స్

ఐకూ జెడ్ 9x 5జి స్మార్ట్ ఫోన్ యొక్క డిస్ప్లే, ప్రోసెసర్, బ్యాటరీ, కెమెరా మరియు డిజైన్ వివరాలు ఐకూ అందించింది. ఈ స్మార్ట్ ఫోన్ లో 120Hz రిఫ్రెష్ రేట్ మరియు 1000 నిట్స్ పీక్ బ్రైట్నెస్ కలిగిన 6.72 ఇంచ్ బిగ్ డిస్ప్లే ఉన్నట్లు ఐకూ తెలిపింది.

ఈ జెడ్ 9x 5జి ఫోన్ క్వాల్కమ్ Snapdragon 6 Gen 1 5G ప్రోసెసర్ తో నడుస్తుంది. ఈ ఫోన్ మరింత పెర్ఫార్మెన్స్ అందించేందుకు, ఇందులో 8GB ఫిజికల్ RAM మరియు 8GB Extended RAM తో కూడా జతగా వస్తుందని ఐకూ తెలిపింది. అలాగే, ఈ ఫోన్ లో 1TB వరకు ఎక్స్ ప్యాండబుల్ స్టోరేజ్ అవకాశం కూడా ఉంటుంది.

Also Read: Netflix OTT సబ్ స్క్రిప్షన్ ఉచితంగా కావాలా.. అయితే, ఈ ఎయిర్టెల్ ప్లాన్ పై ఒక లుక్కేయండి.!

ఈ ఫోన్ లో 50MP డ్యూయల్ రియర్ కెమెరా మరియు డ్యూయల్ టోన్ ఫ్లాష్ కూడా వుంది. ఈ ఫోన్ ను హెవీ 6000 mAh బ్యాటరీ మరియు 44W ఫాస్ట్ ఛార్జ్ సపోర్ట్ తో కూడా తీసుకు వస్తున్నట్లు కూడా కన్ఫర్మ్ చేసింది. ఇవి కాకుండా, డ్యూయల్ స్టీరియో స్పీకర్లు, IP64 వాటర్ & డస్ట్ రెసిస్టెంట్ ఫీచర్లు ఈ ఫోన్ లో ఉన్నాయి. ఈ ఫోన్ లేటెస్ట్ Android 14 OS తో లాంచ్ చేస్తున్నట్లు కూడా ఐకూ వెల్లడించింది.

Follow Us

Raja Pullagura

Crazy about tech...Cool in nature... View Full Profile