గత సంవత్సరంలో BSNL తన వినియోగదారులను ఆకట్టుకునేలా మంచి ప్రీపెయిడ్ ప్లానలతో పాటుగా అధనపు డేటాని కూడా ప్రకటించింది. ఈ అదనపు డేటా అఫర్ ను BSNL యొక్క అనేకమైన ప్లాన్లతో జతచేసింది మరియు 2019 సంవత్సరంలో చాలాసార్లు ఈ అఫర్ యొక్క వ్యాలిడిటీ కాలాన్ని కూడా పెంచుతూ వచ్చింది. అయితే, 2019 డిసెంబర్ 31 వ తేదీతో ఈ అఫర్ ను పూర్తిగా నిలిపి వేసింది. దీనితో, ప్రస్తుతం BSNL వినియోగదారులు కొంత అసహనానికి మరియు నిరాశకు గురైనట్లు తెలుస్తోంది.
ఈ విషయాన్నీ ముందుగా టెలికం టాక్ నివేదించింది. అయితే, వాస్తవికతను పరిశీలిస్తే, గత సంవత్సరంలో అనేకమైన ప్లాన్ల పైన 2 నుండి 3GB వరకూ అధిక డేటాని ప్రకటించింది. కానీ, ప్లాన్స్ కేవలం 2 నుండి 3GB డేటాని మాత్రమే అందిస్తున్నాయి. గత సంవత్సరంలో, భారత్ సంచార్ నిగమ్ లిమిటెడ్ (BSNL) తన ముఖ్యంగా తన 5 ప్రీపెయిడ్ ప్రణాళికల పైన రోజువారీ 2.2 GB అధిక డేటాని ప్రకటించింది.
వీటిలో , Rs 186, Rs 429,Rs 485,Rs 666, మరియు వార్షిక ప్రీపెయిడ్ ప్లాన్ అయినటువంటి Rs 1699 పైన కూడా ఈ 2.2 GB రోజువారీ అధిక డేటాని అందించింది. అయితే, ముందుగా, జూలై 30 వ తేదీతో ఈ ప్రణాళికల పైన అధిక ఉచిత డేటా అఫర్ ముగుస్తుందని ప్రకటించినా, వీటిపైన వినియోగదారుల స్పందన అనుసరించి, ఈ ప్రణాళికలను అక్టోబరు 1వ తేది 2019 వరకు అందుబాటులో ఉంచింది. చివరిగా, దీన్ని సంవత్సరం చివరి వరకూ అంటే 2019 డిసెంబర్ 31 వరకూ చాలా ప్లాన్స్ పైన ఈ అఫర్ ను కొనసాగించింది. కానీ, ఇప్పుడు కేవలం సాధారణ డేటా మాత్రమే ఇవ్వడం నిరాశపరిచేదిగా ఉన్నదని వినియోగదారులు చెబుతున్నట్లు తెలుస్తోంది.