ఒకప్పుడు హై ఎండ్ స్మార్ట్ ఫోన్లకు పెట్టింది పేరైన HTC చాలా కాలంగా ఫోన్ ల తయారీని నిలిపివేసింది. అయితే, ఇప్పుడు మార్కెట్లో కొత్త ఫోన్ లాంచ్ చేస్తూనే భారీ ఫీచర్లతో తన HTC Desire 22 Pro స్మార్ట్ ఫోన్ ను విడుదల చేసింది. ఈ స్మార్ట్ ఫోన్ HTC యొక్క Vive Flow VR హెడ్సెట్ మరియు NFT వంటి కొన్ని ఇతర పరికరాలకు కనెక్టింగ్ సాంకేతికతలకు మద్దతు కలిగి ఉండడం వలన ఈ ఫోన్ బ్రాండ్ నుండి వచ్చిన మొదటి “మెటావర్స్ ఫోన్” గా నిలిచింది. ఈ స్మార్ట్ ఫోన్ 1290Hz రిఫ్రెష్ రేట్ కలిగిన బిగ్ డిస్ప్లే, మంచి కెమెరా సెటప్ మరియు స్నాప్ డ్రాగన్ లేటెస్ట్ 5G ప్రాసెసర్ తో యూరప్ మార్కెట్లో విడుదలయ్యింది. ఈ స్మార్ట్ ఫోన్ స్పెక్స్, ఫీచర్లకు మరియు మరిన్ని వివరాల పైన ఒక వేద్దాం.
ఈ స్మార్ట్ ఫోన్ 6.6-అంగుళాల పంచ్-హోల్ డిజైన్ కలిగిన FHD+ LCD డిస్ప్లే ని 120Hz రిఫ్రెష్ రేట్ కలిగి ఉంటుంది. ఫోన్ పంచ్-హోల్ లో 32MP సెల్ఫీ షూటర్ ఉంది. ఇక వెనుక కెమెరాల పరంగా, 64MP ప్రైమరీ సెన్సార్, 13MP అల్ట్రా-వైడ్ లెన్స్ మరియు 5MP డెప్త్ మాడ్యూల్ తో వస్తుంది. ఈ స్మార్ట్ ఫోన్ స్నాప్డ్రాగన్ 695 చిప్ సెట్ తో పనిచేస్తుంది మరియు జతగా 8GB RAM మరియు 128GB స్టోరేజ్ కుడా ఉంటుంది.
అంతేకాదు, ఈ ఫోన్ దుమ్ము మరియు నీటి నిరోధకత కలిగిన IP67 రేట్ తో వస్తుంది. ఈ ఫోన్ 4,520mAh బ్యాటరీని 18W ఫాస్ట్ షార్జింగ్ సపోర్ట్ తో కలిగి ఉంటుంది. ఈ ఫోన్ కంపనీ యూజర్ ఇంటర్ ఫెజ్ పైన Android 12 OS పైన పనిచేస్తుంది.
ఇక ప్రధాన వివరాల్లోకి వెళితే, ఈ ఫోన్ తో HTC యొక్క Viverse ఎకోసిస్టమ్ మరియు HTC Vive Flow హెడ్ సెట్ యొక్క కాంపేటబిలిటీతో వస్తుంది. తద్వారా, మీరు వర్చువల్ రియాలిటీని ఆస్వాదించవచ్చు. అంతేకాదు, HTC ఈ స్మార్ట్ ఫోన్ తో NFT ని ఉచిత కూడా అందిస్తోంది. మీరు Viveverse వాలెట్ ద్వారా ఈ బహుమతిని రీడీమ్ చేసుకోవచ్చు.
యూరప్ లో HTC Desire 22 Pro స్మార్ట్ ఫోన్ ను £399 (సుమారు రూ.38,536) ధరలో ప్రకటించింది.