గత సంవత్సరం, VIVO తన Z సిరీస్ నుండి Z1x ను గొప్ప ట్రెండీ ఫీచర్లు మరియు ప్రీమియం లుక్స్ తో ఇండియాలో విడుదల చేసింది. ఈ స్మార్ట్ ఫోన్ ఒక ట్రిపుల్ కెమేరా మరియు ఒక 32MP సెల్ఫీ కెమేరాతో వస్తుంది. ముఖ్యంగా ఇది ట్రిపుల్ రియర్ కెమేరాతో పాటుగా సూపర్ AMOLED FHD+ డిస్ప్లేతో మంచి వైవిధ్యమైన రంగులను అందిస్తుంది. ఇప్పుడు, ఈ స్మార్ట్ ఫోన్ యొక్క 8GB ర్యామ్ వేరియంట్ పైన 4,000 రూపాయల భారీ డిస్కౌంట్ ని ప్రకటించింది.
ముందుగా, వివో జెడ్ 1 ఎక్స్ యొక్క 8 జిబి ర్యామ్ మరియు 128 జిబి స్టోరేజ్ వేరియంట్ ఫ్యూజన్ బ్లూ కలర్ రూ .21,990 ధరతో ప్రవేశపెట్టబడింది. అయితే, ప్రస్తుతం దీని పైన ప్రకటించిన 4,000 రూపాయల డిస్కౌంట్ తరువాత ఇది కేవలం రూ.17,990 రూపాయల ధరతో అమ్ముడవుతోంది.
1. 6 జీబీ ర్యామ్ + 64 జీబీ స్టోరేజ్ – Rs.15,990/-
2. 6 జీబీ ర్యామ్ + 128 జీబీ స్టోరేజ్ – Rs.16,990/-
3. 8 జీబీ ర్యామ్ + 128 జీబీ స్టోరేజ్ – Rs.17,990/-
వివో Z1x ధర ఫీచర్లు మరియు ప్రత్యేకతలు
ఈ వివో Z1x మొబైల్ ఫోన్, ఒక 6.38-అంగుళాల FHD + స్క్రీన్‌ తో వస్తుంది. ఇది సూపర్ AMOLED డిస్ప్లే మరియు ఒక వాటర్‌డ్రాప్ నోచ్ తో వస్తుంది. ఈ మొబైల్ ఫోన్ లో, ఎగవంతమైనటువంటి ఒక స్నాప్ డ్రాగన్ 712 AIE ఆక్టా కోర్ ప్రాసెసర్ ని అందించింది. అదనంగా, ఇది 6GB/8GB RAM తో అనుసంధానం చెయ్యబడింది మరియు ఇది 64GB /128GB అంతర్గత స్టోరేజితో వస్తుంది. ఈ ఫోన్‌లో 4,500 mAh సామర్థ్యం గల పెద్ద బ్యాటరీ మరియు గరిష్టంగా 22.5 వాట్స్ వేగవంతమైన ఛార్జింగ్ టెక్నాలజీతో వస్తుంది. ఇందులో, గేమింగ్ మరియు మల్టి టాస్కింగ్ కోసం ప్రత్యేకంగా మల్టి టర్బోలను అందించారు.
ఇక ఫోటోగ్రఫీ విషయానికి వస్తే, ఈ ఫోన్ వెనుక ట్రిపుల్ రియర్ కెమెరా సెటప్ అందుతుంది. ఒక 48MP ప్రాధమిక సెన్సార్‌కి జతగా మరొక 8MP వైడ్ యాంగిల్ కెమెరా మరియు ఒక 2MP డెప్త్ సెన్సార్ కూడా లభిస్తుంది. ఇది కాకుండా, మీకు ఈ ఫోన్‌లో ఒక 32 MP ఫ్రంట్ కెమెరా సెల్ఫీల కోసం అందించబడింది. ఈ ఫోన్, ఫన్ టచ్ OS స్కిన్ పైన ఆండ్రాయిడ్ 9 ఫై ఆధారితంగా నడుస్తుంది. ఇది కేవలం 0.48 సెకన్లలో ఫోన్ అన్లాక్ చేయగల ఒక ఇన్- డిస్ప్లే ఫింగర్ ప్రింట్ సెన్సారుతో వస్తుంది. ఇది ఫ్యూజన్ బ్లూ మరియు ఫాంటమ్ పర్పల్ వంటి రెండు రంగుల ఎంపికలతో లభిస్తుంది.