Whatsapp షాకింగ్ న్యూస్ వెల్లడించింది. ప్రస్తుతం, 22 లక్షలకు పైగా ఇండియన్ వాట్సాప్ అకౌంట్స్ ను బ్యాన్ చేసినట్లు వెల్లడించింది. వాస్తవానికి, ప్రపంచంలోనే అత్యంత ప్రజాధారణ పొందిన మెసేజింగ్ అప్లికేషన్ (APP) గా పేరొందిన వాట్సాప్ గత కొన్ని నెలలుగా పెద్ద మొత్తంలో యూజర్ అకౌంట్స్ ను బ్యాన్ చేస్తోంది. కానీ, దీనికి తగిన కారణాలు కూడా ఉన్నాయి.
సెంట్రల్ గవర్నమెంట్ తీసుకొచ్చిన కొత్త IT చట్టాల తరువాత నుండి భారతీయుల వాట్సాప్ అకౌంట్స్ భారీ స్థాయిలో బ్యాన్ అవుతున్నాయి. వాట్సాప్ యాప్ భద్రతా నియమాలను ఉల్లంఘించినందుకు ఈ వినియోగదారులు ఈ చాటింగ్ యాప్ నుండి నిషేధించబడ్డారు. అంతేకాదు, వాట్సాప్ తన పేమెంట్ సర్వీస్ ను కూడా అఫర్ చేస్తున్న కారణంగా యూజర్ సేఫ్టీ మరియు సెక్యూరిటీ మరింత పటిష్టంగా తీర్చిదిద్దడానికి, సవివరంగా లేని లేదా అనుమానిత వినియోగదారులను తొలగించాల్సి వస్తుంది.
అయితే, ఇది ఇంతటితో ఆగదు మరియు మరిన్ని భారతీయ వాట్సాప్ అకౌంట్స్ కూడా బ్యాంక్ కావచ్చు. వాట్సాప్ ఎండ్ టూ ఎండ్ ఎన్క్రిప్టెడ్ మెసేజింగ్ సర్వీస్లలో దుర్వినియోగాన్ని నిరోధించడంలో దిట్ట మరియు మేము మా ప్లాట్ఫారమ్లో మా వినియోగదారులను సురక్షితంగా ఉంచడానికి ఆర్టిఫిషియల్ ఇంటెలిజెన్స్ మరియు ఇతర అత్యాధునిక టెక్నాలజీ, డేటా శాస్త్రవేత్తలు మరియు నిపుణులు వంటి చర్యలను నిరంతరంగా కొనసాగిస్తామని, వాట్సాప్ ప్రతినిధి ఒక ప్రకటన విడుదల చేశారు.
ఇది మాత్రమే కాదు, యూజర్లకు మరింత సౌకర్యాన్ని మరియు సెక్యూరిటీని అందించడానికి వీలుగా త్వరలోనే మరిన్ని కొత్త ఫీచర్లను కూడా వాట్సాప్ జతచేయనుంది. ఇక బ్యాన్ అకౌంట్స్ విషయానికి వస్తే, జూన్ నుండి సెప్టెంబర్ వరకూ సుమారు 90 లక్షలకు పైగా భారతీయ వినియోగదారుల అకౌంట్స్ బ్యాన్ చేసింది.