ఈ వారం OTT లో కొత్త సినిమాల సందడి మాములుగా లేదు. ఎందుకంటే, లేటెస్ట్ బ్లాక్ బాస్టర్ మూవీ RRR తో పాటుగా కొత్త సినిమాలు ఈ వారం OTT లో రిలీజ్ కావడానికి క్యూ కట్టాయి. అంతేకాదు, 2022 బ్లాక్ బాస్టర్ మూవీ KGF: చాఫ్టర్ 2 కూడా ఎటువంటి హడావిడి లేకుండా అమెజాన్ ప్రైమ్ వీడియో లో రెంటల్ కు అందుబాటులోకి రావడం ఆశ్చర్యం కలిగించింది. ఇక ఈ నెలలో కొత్త సినిమాలు చాలానే ఓటీటీ లో వచ్చాయి.
గత వారం బీస్ట్ మరియు ది కాశ్మిర్ ఫైల్స్ వంటి చిత్రాలు ఓటీటీ లో విడుదల కాగా, ఈ వారం ( మే 20 న) మొత్తం మూడు తెలుగు సినిమాలు ఓటీటీలో స్ట్రీమ్ అవుతాయి. వీటిలో, మెగాస్టార్ చిరంజీవి మరియు రామ్ చరణ్ కలిసి నటించిన 'ఆచార్య' కూడా వుంది. మరి ఈ వారం ఓటీటీలో రిలీజ్ అవనున్న కొత్త సినిమాలు ఏమిటో చూద్దామా.
దర్శక ధీరుడు S S రాజమౌళి దర్శకత్వంలో రామ్ చరణ్ మరియు Jr.NTR అద్భుతమైన నటనతో వచ్చిన RRR మూవీ ప్రపంచ వ్యాప్తంగా రికార్డులు కొల్లగొట్టడమే కాకుండా ప్రజల గుండెలో నిలిచిపోయింది. ఈ సినిమా ప్రపంచ వ్యాప్తంగా 1,000 కోట్లకు పైగా కలక్షన్స్ సాధించి భారీ విజయాన్ని సొంతం చేసుకుంది. RRR మూవీ మే 20 న Zee 5 మరియు Netflix రెండు ప్లాట్ ఫామ్స్ నుండి స్ట్రీమ్ కాబోతోంది. ఈ సినిమా OTT లో ఎప్పుడు వస్తుందా? అని ఎదురు చూస్తున్న వారికి ఇది నిజంగా ఆనందాన్నిచ్చే వార్తే అవుతుంది.
కొరటాల శివ దర్శకత్వంలో మెగాస్టార్ చిరంజీవి మరియు రామ్ చరణ్ కలిసి నటించిన 'ఆచార్య' మే 20 న అమెజాన్ ప్రైమ్ వీడియో లో రిలీజ్ అవుతోంది. ఇటీవలే భారీ అంచనాలతో వచ్చిన ఈ సినిమా బాక్సాఫీస్ వద్ద బోల్తా కొట్టింది. అయితే, సినిమాలో మెగాస్టార్ మరియు రామ్ చరణ్ ల అద్భుతమైన నటన మరియు డాన్స్ రెండు ఆకట్టుకునే అంశాలు. అంతేకాదు, 'భలే బంజారా' ఫుల్ వీడియో సాంగ్ ను కూడా విడుదల చేశారు.
శ్రీవిష్ణు మరియు కేథరీన్ జంటగా నటించిన క్రైం థ్రిల్లర్ 'భళా తందనానా' కూడా ఇదే వారం మే 20న Disney+ HotStar నుండి స్ట్రీమ్ కాబోతోంది. ఎప్పుడు ఏదోఒక విలక్షణమైన కథ మరియు పాత్రలను మాత్రమే చేసే శ్రీవిష్ణు మరొకసారి మంచి సినిమాతో ముందుకు వచ్చాడు. మార్చ్ 6 న థియేటర్లలో విడుదలైన ఈ చిత్రం కూడా అనుకున్న స్థాయిలో విజయాన్ని సాధించేలేక పోయింది. కానీ, శ్రీవిష్ణు యాక్టింగ్, పోసాని మరియు సత్య ల కామెడీ కేథరీన్ గ్లామర్ వంటి ఆకట్టుకునే అంశాలు వున్నాయి.