Google Maps లోనే మీకు కావాల్సిన రైళ్ళ లైవ్ రన్నింగ్ స్టేటస్ ను తెలుసుకోవచ్చు. మీరు ఉన్న ప్లేస్ నుండి మీరు చేరాకోవాల్సిన ప్రదేశానికి రూట్ మ్యాప్ ను కూడా సింపుల్ గా పొందవచ్చు. అంతేకాదు, అందుబాటులో ఉన్న రైలు పేరు, బోర్డింగ్ స్టేషన్ మరియు మార్గంలో వచ్చే ఇతర స్టాప్లను కూడా గూగుల్ మ్యాప్ లో చూడవచ్చు. అంతేకాదు, మీ ప్రయాణానికి పట్టే సమయం మరియు Live Train రన్నింగ్ స్టేటస్ ను కూడా గూగుల్ మ్యాప్ అందిస్తుంది.
పైన తెలిపిన అన్ని వివరాలను మీరు పొందాలంటే ముందుగా మీరు మీ ఫోన్ లో గూగుల్ మ్యాప్ యాప్ యొక్క లేటెస్ట్ వెర్షన్ ను కలిగిఉండాలి. ఈ ఫీచర్ iOS మరియు Android రెండు OS ల కోసం అందుబాటులో వుంది.
ముందుగా మీ ఫోన్ లో గూగుల్ మ్యాప్ ని తెరవండి
రైల్వే స్టేషన్ లేదా మీరు చేరుకోవాల్సిన డెస్టినేషన్ లొకేషన్ ఎంటర్ చేయండి
మ్యాప్ లో 'టూ-వీలర్' మరియు 'Walk' ఆప్షన్ల మధ్య ఉండే 'Train' ఎంపికను ఎంచుకోండి.
మీరు స్టేషన్ లకు బదులుగా లొకేషన్ ఉంచినట్లయితే, మ్యాప్ సమయం, దూరం మరియు స్టేషన్కు వెళ్లే మార్గాన్ని చూపుతుంది.
ట్రైన్ స్టేటస్ కోసం 'Train' చిహ్నం పైన నొక్కండి
ఇక్కడ కనిపించే ట్రైన్ పేరు పైన నొక్కడం ద్వారా ఆ ట్రైన్ ప్లాట్ఫారమ్ నంబర్, ఏ సమయంలో ఆ ప్లాట్ఫారమ్కు చేరుకుంటుంది వంటి లైవ్ ట్రైన్ వివరాలను చూడవచ్చు.