బాక్సాఫీస్ వద్ద భారీ కలక్షన్స్ సాధించిన 'సర్కారు వారి పాట' OTT లో రిలీజ్ అయ్యింది. సూపర్ స్టార్ మహేష్ బాబు యొక్క ఈ లేటెస్ట్ బ్లాక్ బాస్టర్ సినిమా ప్రస్తుతం సినిమా థియేటర్లలో ప్రదర్శించ బడుతున్నా కూడా OTT లో కూడా రిలీజ్ చెయ్యబడింది. అయితే, సర్కారు వారి పాట సినిమా సబ్ స్క్రైబర్స్ అందరికి ఉచితం మాత్రం అనుకోకండి. ఈ సినిమా కూడా KGF చాఫ్టర్ 2 మాదిరిగానే రెంట్ చెల్లించి చూసే విదంగా పే ఫర్ వ్యూ అప్షన్ తో వచ్చింది. సర్కారు వారి పాట సినిమా కూడా 199 రూపాయల రెంట్ తో లభిస్తోంది. సినిమా థియేటర్ కు వెళ్లే అవసరం లేకుండానే ఈ రెంట్ చెల్లించి కుటుంభ సమేతంగా ఈ సినిమా ను ఎంజాయ్ చేయవచ్చు.
అమెజాన్ భారీ మొత్తాన్ని చెల్లించి సర్కారు వారి పాట సినిమా OTT రైట్స్ ను సొంతం చేసుకుంది. ఈ సినిమాను జూన్ 24 న ప్రైమ్ వీడియో ద్వారా అందిస్తుందని ఊహిస్తుండగా, అంతకంటే చాలా ముందుగానే రెంటల్ అప్షన్ తో అమెజాన్ ప్రైమ్ వీడియో లోకి తీసుకొచ్చింది. విడుదలకు ముందునుండే భారీ అంచనాలతో వచ్చిన ఈ సినిమా బాక్సాఫీస్ వద్ద మంచి కలక్షన్స్ సాధించడమే కాకుండా బ్లాక్ బాస్టర్ మూవీగా కూడా నిలిచింది.
ఎప్పుడు సమాజానికి ఉపయోగపడే ఒక మంచి మెసేజ్ తో ముందుకొచ్చే మహేష్ బాబు ఈ సారి కూడా మంచి మెసేజ్ ఇచ్చారు. ప్రస్తుతం సమాజంలో వున్న మరియు సమాజాన్ని పట్టిపీడిస్తున్న గంభీరమైన విషయాన్ని గురించి చాలా సున్నితంగా చెప్పే ప్రయత్నం చేశారు. పరుశురామ్ దర్శత్వంలో వచ్చిన ఈ యాక్షన్ డ్రామా మూవీ కంప్లీట్ ఎంటర్ టైనర్ గా కొనియాడబడింది.