ఇండియాలో తన లేటెస్ట్ 5G స్మార్ట్ ఫోన్ విడుదల చెయ్యడానికి శామ్సంగ్ సిద్దమవుతోంది. అదే Samsung Galaxy M33 5G స్మార్ట్ ఫోన్ మరియు ఈ స్మార్ట్ ఫోన్ ను తెలుగు సంవత్సరాది ఉగాది పర్వదినాన విడుదల చెయ్యబోతోంది. అంటే, ఏప్రిల్ 2వ తేదీ మధ్యాహ్నం 12 గంటలకి లాంచ్ చేయడానికి తేదీ మరియు సమయాన్ని ఫిక్స్ చేసింది. మరో రెండు రోజుల్లో విడుదల చేయనున్న ఈ కొత్త 5G స్మార్ట్ ఫోన్ ను ఆకర్షణీయమైన గొప్ప ఫీచర్లతో తీసుకువస్తునట్లు శామ్సంగ్ టీజర్ ద్వారా చెబుతోంది. ఈ ఫోన్ యొక్క చాలా కీలకమైన వివరాలను కూడా ఇప్పటికే వెల్లడించింది. ఆ స్పెక్స్ మరియు ఫీచర్ల వివరాలను గురించి క్రింద చూడవచ్చు.
ఈ అప్ కమింగ్ స్మార్ట్ ఫోన్ గురించి శామ్సంగ్ రివీల్ చేసిన స్పెక్స్ విషయానికి వస్తే, గెలాక్సీ ఎం33 5జి స్మార్ట్ ఫోన్ ను ఇన్ఫినిటీ-V కటౌట్ కలిగిన 6.6- ఇంచ్ TFT LCD ప్యానల్ తీసుకువస్తోంది. ఈ డిస్ప్లే FHD+ రిజల్యూషన్ తో 120Hz రిఫ్రెష్ రేట్ ను కలిగివుంటుంది. ఈ పూర్తి డిస్ప్లే ని గొరిల్లా గ్లాస్ 5 రక్షణతో జత చేసింది. ఈ M33 ఫోన్ ను 5nm ప్రోసెసర్ కి జతగా 6/8GB LPDDR4x RAM మరియు 128GB ఇంటర్నల్ స్టోరేజ్‌తో వస్తుంది. ఇది మాత్రమే కాదు ఈ ఫోన్ ర్యామ్ కు సమానమైన వర్చువల్ ర్యామ్ ను కూడా ఇందులో అందించడం విశేషం.
ఈ ఫోన్ 25W ఫాస్ట్ ఛార్జింగ్ సపోర్ట్ కలిగిన 6000 mAh భారీ బ్యాటరీని కలిగివుంటుంది. అయితే, ఈ ఫోన్ బాక్స్ లో ఛార్జర్ ను మాత్రం అందించడం లేదని కంపెనీ తెలిపింది. పర్యావరణ ప్రభావాన్ని తగ్గించడంలో చేస్తున్న ప్రయత్నంలో భాగంగా ఇలా చేయవలసి వచ్చినట్లు శామ్సంగ్ స్పష్టం చేసింది. ఈ ఫోన్ లో 8MP సెల్ఫీ కెమెరాను ఇన్ఫినిటీ-V కటౌట్ లో దాచుకుంది. అలాగే, 50MP ప్రధాన సెన్సార్, 5MP అల్ట్రావైడ్, 2MP డెప్త్ సెన్సార్ మరియు 2MP మాక్రో సెన్సార్ కలిగిన మాడ్యూల్‌ను కలిగి ఉంటాయి. ఈ ఫోన్ గ్రీన్ మరియు బ్లూ రెండు కలర్ అప్షన్ లలో కనిపిస్తోంది.