ఈ నెల OTT లో బ్లాక్ బాస్టర్ సినిమాలు సందడి చేయనున్నాయి. ఈ నెలలో ఇప్పటికే కొన్ని సినిమాలరిలీజ్ డేట్స్ కన్ఫర్మ్ కాగా మరికొన్ని బ్లాక్ బాస్టర్ మూవీస్ కూడా ఓటీటీ లో రిలీజ్ కావచ్చని ఊహిస్తున్నారు మరియు వీటిలో ప్రపంచ వ్యాప్తంగా రికార్డులు సృష్టించిన RRR, KGF: చాఫ్టర్ 2 వంటి భారీ చిత్రాలు కూడా వున్నాయి. మరి ఈ నెల ఓటీటీలో రిలీజ్ అవుతున్న మరియు రిలీజ్ అవనునట్లు అంచనా వేస్తున్న కొత్త సినిమాలను గురించి చూద్దాం.
తలపతి విజయ్ నటించిన యాక్షన్ మూవీ బీస్ట్ OTT లో సందడి చేయబోతోంది. ఏప్రిల్ 13 న థియేటర్లలో విడుదలైన ఈ చిత్రం మిశ్రమ స్పందనను అందుకుంది. అయితే, ఈ సినిమా ఊహించిన ఘన విజయాన్ని మాత్రం సాధించ లేక పోయింది. అయితే, ఈ సినిమా బాక్సాఫీస్ వద్ద 150 కోట్లకు పైగా కలెక్షన్లను సాధించింది. బీస్ట్ మూవీ మే 11 న Netflix మరియు Sun Next రెండు ప్లాట్ ఫామ్స్ పైన రిలీజ్ అవుతుంది.
ఎటువంటి అంచనాలు లేకుండా సైలెంట్ గా థియేటర్లలో విడుదలైన ఈ సినిమా 2022 లో బిగ్గెస్ట్ బ్లాక్ బాస్టర్ సినిమాలలో ఒకటిగా నిలిచింది. వివేక్ అగ్నిహోత్రి దర్శకత్వంలో వచ్చిన ఈ సినిమా ఊహించని భారీ కలక్షన్ లతో పాటుగా బాక్సాఫీస్ వద్ద భారీ విజయాన్ని అందించింది. ఇక విషయానికి వస్తే, 1990 ల కాలంలో కశ్మిర్ నుండి అక్కడి పండితులు వలస వెళ్ళవలసి వచ్చిన పరిస్థితులు మరియు వారు ఎదుర్కొన్న సంఘటనలను ఈ చిత్రం చూపించారు. ఈ సినిమా మే 13 నుండి ZEE 5 లో రిలీజ్ అవుతుంది.
ఇక మే నెలలో రిలీజ్ కానున్నట్లు అంచనా వేస్తున్న సినిమాల విషయానికి వస్తే, ప్రస్తుతం ఆన్లైన్లో చక్కర్లు కొడుతున్న రూమర్లు మరియు రిపోర్ట్స్ చెబుతున్నట్లు కనుక జరిగితే, KGF: చాఫ్టర్ 2 సినిమా మే 27న అమెజాన్ ప్రైమ్ వీడియోలో రిలీజ్ కావచ్చు. వాస్తవానికి, KGF: చాఫ్టర్ 2 OTT రిలీజ్ గురించి ఇప్పటి వరకూ ఎటువంటి అధికారిక ప్రకటన కూడా బయటికి రాలేదు. అంతేకాదు, KGF: చాఫ్టర్ 2 ఇప్పటికి ధియేటర్ల వద్ద భారీ కలక్షన్స్ వసూలు చేస్తోంది. ఈ సినిమా ఇప్పటికే ప్రపంచ వ్యాప్తంగా 1,000 కోట్లు వసూలు చేసింది మరియు ఇంకా భారీ కలక్షన్స్ సాధించే అంచనాలతో సాగుతోంది.
RRR సినిమా యొక్క OTT రిలీజ్ డేట్స్ ఇప్పటి వరకూ అధికారికంగా ప్రకటించనప్పటికీ, ఇదే నెలలో OTT లో సందడి చేయనున్నట్లు మాత్రం అంచనా వేస్తున్నారు. RRR మూవీ Zee5 మరియు Netflix లో స్ట్రీమ్ కానుంది మరియు ఈ సినిమా 20 న ఓటీటీ లో రావచ్చని కొన్ని నివేదికలు ఊహించి చెబుతున్నాయి.