రిలయన్స్ జియో మరియు గూగుల్ జతగా ప్రకటించిన JioPhone Next అమెజాన్ నుండి డిస్కౌంట్ ధరకే లభిస్తోంది. అంతేకాదు, జియో కూడా తన వెబ్సైట్ ద్వారా ఈ JioPhone Next స్మార్ట్ ఫోన్ పైన ఎక్స్ చేంజ్ అఫర్ ను జతచేయడంతో, చవక ధరకే ఈ ఫోన్ ల భిస్తోంది. మార్కెట్లో రూ.6,499 రూపాయల ధరతో ప్రకటించబడిన ఈ స్మార్ట్ ఫోన్ అమెజాన్ నుండి 35% డిస్కౌంట్ తో కేవలం రూ.4,650 రూపాయల అఫర్ ధరకే లభిస్తోంది.
అంతేకాదు, ఈ ఫోన్ పైన బ్యాంక్ డిస్కౌంట్ ఆఫర్లను కూడా అందించింది. ఈ ఫోన్ ను Citi బ్యాంక్ కార్డ్స్ తో కొనేవారికి 1,500 రూపాయల తక్షణ డిస్కౌంట్ లభిస్తుంది. అలాగే, YES బ్యాంక్ క్రెడిట్ కార్డ్ తో ఈ ఫోన్ కొనేవారికి కూడా 10% డిస్కౌంట్ లభిస్తుంది.
ఇక జియో వెబ్సైట్ ద్వారా అందిస్తున్న అఫర్ విషయానికి వస్తే, ఈ ఫోన్ ను ఏదైనా 4G ఫోన్ తో ఎక్స్ చేంజ్ చేస్తే, JioPhone Next కేవలం రూ.4,499 రూపాయలకే లభిస్తుంది. అంతేకాదు, నెలవారీ EMI పద్దతిలో ఎంచుకుంటే ముందుగా కేవలం రూ.1,999 రూపాయలు చెల్లించి ఈ ఫోన్ ను సొంతం చేసుకోవచ్చు మరియు మిగిలిన డబ్బును 18 లేదా 24 నెలల వాయిదాల్లో ఈజీ EMI ద్వారా చెల్లించవచ్చు.
ఇక JioPhone Next ఫీచర్ల విషయానికి వస్తే, జియోఫోన్ నెక్స్ట్ 5.45-అంగుళాల HD(720×1440) డిస్ప్లే కలిగి ఉంటుంది మరియు ఈ స్క్రీన్ కార్నింగ్ గొరిల్లా గ్లాస్ 3 రక్షణతో వస్తుంది. ఈ ఫోన్ 1.3 GHz క్లాక్ స్పీడ్ అందించగల Qualcomm QM215 చిప్‌సెట్‌తో పనిచేస్తుంది. అలాగే, ఈ ఫోన్ LPDDR3 2GB ర్యామ్ మరియు 32GB ఇన్ బిల్ట్ స్టోరేజ్ కలిగివుంటుంది. అలాగే, మైక్రో SD ద్వారా 512GB మెమోరిని విస్తరించవచ్చు.
ఈ ఫోన్ లో వెనుక 13MP సింగల్ కెమెరా మరియు ముందు సెల్ఫీల కోసం 8MP సెల్ఫీ కెమెరాలను అందించింది. ఈ కెమెరా HDR Mode, Night Mode, Portrait వంటి మరిన్ని ఫీచర్లతో వస్తుంది. ఈ ఫోన్ లో 3000mAh బ్యాటరీని సాధారణ ఛార్జింగ్ టెక్నాలజీతో ఇచ్చింది.