మీ ఆధార్ లో ఈ వివరాలను మీరే అప్డేట్ చేసుకోవచ్చు..!!

ఆధార్ కార్డ్ లో కొన్ని వివరాలను మీరే స్వయంగా అప్డేట్ చేసుకోవచ్చని మీకు తెలుసా? ఒకవేళ తెలియకుంటే ఈరోజు దీని గురించి ఇక్కడ చూడవచ్చు. వాస్తవానికి,  ఆధార్ లో వివరాలను అప్డేట్ చెయ్యాలంటే ఆధార్ కేంద్రాన్ని సంప్రతించవలసి వస్తుంది. కానీ, కొన్ని వివరాలను మాత్రం మీరే అప్డేట్ సులభంగా చేసుకోవచ్చు. అయితే, అన్ని వివరాలను అప్డేట్ చెయ్యడానికి మీకు మాత్రం మీకు అనుమతి ఉండదు. మీరు ఆధార్ కేంద్రానికి వెళ్లకుండానే మీ అడ్రెస్స్ ను మాత్రం ఆన్లైన్లో అప్డేట్ చేసుకోవచ్చు. దీనికోసం మీరు ఇంటర్నెట్ కనెక్షన్ మరియు ప్రభుత్వం యొక్క గుర్తింపు పొందిన ఐడెండిటీ ప్రూఫ్ ఏదైనా ఒకటి ఒకటి కలిగి ఉంటే సరిపోతుంది. మరి మీ ఆధార్ కార్డ్ లో మీ అడ్రెస్ ను ఒకవేళ అప్డేట్ చేయవలసి వస్తే ఆన్లైన్లో ఎలా చేయాలో చూద్దామా.    

ఆన్లైన్లో ఆధార్ అప్డేట్ ఈ క్రింద విధంగా చేయాలి:

ముందుగా మీ ఫోన్ లో అధికారిక ఆధార్ వెబ్సైట్ uidai.gov.in ని తెరవండి

ఇక్కడ మీకు మైన్ పేజ్ లో మూడవ అప్షన్ 'Update Address In Your Aadhaar' కనిపిస్తుంది

దీని పైన క్లిక్ చెయ్యగానే కొత్త పేజ్ కి మళ్ళించబడతారు

ఇక్కడ మీకు కనిపించే క్యాప్చా ను సరిగా నింపి OTP అప్షన్ పైన నొక్కండి

మీకు మీ ఆధార్ రిజిస్టర్డ్ మొబైల్ నంబర్ పైన OTP అందించబడుతుంది

మీరు OTP ని ఎంటర్ చేసి సబ్మిట్ చేసిన వెంటనే మరొక కొత్త పేజ్ తెరుచుకుంటుంది

ఇక్కడ  Change/Update కోసం Adress అప్షన్ పైన నొక్కండి

ఇక్కడ మీరుమీ వివరాలను నింపి, మీ ఐడెండిటీ ప్రూఫ్ ను సబ్మిట్ చేయాలి

తరువాత, మీరు మీ మొబైల్ నంబర్ పైన మరొక OTP అందుకుంటారు

OTP ఎంటర్ చేసి Save అప్షన్ పైన నొక్కండి

అంతే, మీరు మీ అడ్రెస్ చేంజ్ రిక్వెస్ట్ కోసం అప్లై చేకున్నట్లే. మీరు మీ అడ్రస్ చేంజ్ రిక్వెస్ట్ ప్రాసెస్ అయిందో లేదో తెలుసుకోవడానికి Update Request Number అనే ఆప్షన్ ను ఉపయోగించవచ్చు.