మీరు మీ EPF అనుసంధానం చేసిన మీ పాత మొబైల్ నంబర్ స్థానంలో మీ కొత్త మొబైల్ నంబర్ అప్డేట్ చేయాలనుకుంటున్నారా? అయితే, ఎంప్లాయిస్ ప్రావిడెంట్ ఫండ్ (EPF) లో మొబైల్ నంబర్ ను ఎలా అప్డేట్ చేయాలో ఈరోజు తెలుసుకుందాం. వాస్తవానికి, మీ PF అకౌంట్ కి సంబంధించి మీకు అన్ని అవసరాలకు ముఖ్యంగా అవసరమైనది UAN నంబర్. UAN నంబర్ అంటే, యూనివర్సల్ అకౌంట్ నంబర్.
ఇందులో, మీరు ఒకే UAN నంబర్ లో మీ అన్ని కంపెనీల EPF వివరాలు ఉంటాయి. అంటే, ఒకప్పుడు పనిచేసే కంపెనీ నుండి ఎంప్లాయి మరొక కంపెనీకి మారినప్పుడు వారి PF మారుతుంది మరియు పాత నంబర్ క్లోజ్ చేయ్యడం జరిగేది. అందుకే, ఒకే నంబర్ పైన జీవితాంతం అన్ని EPF లను అనుసంధానం చేసేలా ప్రభుత్వం ఈ UAN నంబర్ విధానం తీసుకొచ్చింది.
అయితే, సాధారణంగా మనం కొత్త నంబర్ తీసుకున్నప్పుడు లేదా పాత నంబర్ ను మార్చవలసి వచ్చినప్పుడు ఏమి చెయ్యాలో చాలా మందికి తెలియక పోవచ్చు. అందుకే, UAN లో మొబైల్ నంబర్ ను ఎలా అప్డేట్ లేదా చేంజ్ ఎలా చేయాలి అనే విషయాన్ని సవివరంగా చర్చిస్తున్నాను.
ముందుగా UAN మెంబర్ e-సేవ పోర్టల్ ఓపెన్ చెయ్యాలి
ఇక్కడ మీ UAN నంబర్ మరియు పాస్వర్డ్ తో లాగిన్ అవ్వండి
లాగిన్ అయిన తరువాత ఇక్కడ మీకు మైన్ పేజ్ కనిపిస్తుంది
మైన్ పేజీలో Manage అనే అప్షన్ కనిపిస్తుంది, దీని పైన నొక్కండి
ఇక్కడ మీరు Contact Details పైన నొక్కండి
ఇక్కడ మీకు మీ రిజిష్టర్ మొబైల్ నంబర్ క్రింద Change Mobile Number అప్షన్ కనిపిస్తుంది
ఇక్కడ Change Mobile Number పక్కన బాక్స్ పైన టిక్ చేయండి
వెంటనే మీకు కొత్త నంబర్ అప్డేట్ లేదా చేంజ్ చేయాల్సిన నంబర్ ఎంటర్ చేసి ఆధరైజ్ చేయండి.