కార్నింగ్ గొరిల్లా గ్లాస్ యొక్క క్రొత్త వెర్షన్ ను ఆవిష్కరించింది, ఇది మునుపటి కంటే చాలా గట్టిది మరియు కఠినమైనది. అయితే, ఇది ఎంత కఠినమైనదని అంచనా వేయవచ్చు? Gorilla Glass Victus అని పిలిచే ఈ కార్నింగ్ గ్లాస్, తీవ్రమైన డాట్స్ మరియు గీతలను నిరోధించగలిగేంత కఠినమైది. ముందుగా వచ్చిన గొరిల్లా గ్లాస్ 6 తో పోల్చితే ఇది రెండు రెట్లు ఎత్తు నుండి పడినా కూడా వత్తిడులను తట్టుకోగలదని, కార్నింగ్ పేర్కొంది. ఈ కొత్త గ్లాస్ రాబోయే కొద్ది నెలల్లోనే మార్కెట్‌ను ముంచెత్తనుంది.
ఈసారి, కార్నింగ్ దాని కఠినమైన గ్లాస్ కోసం ఎప్పుడు అందించే నంబర్ పద్దతిని మానుకొని, బదులుగా దానిని విక్టస్ అనే పేరును ఫిక్స్ చేసింది. ఈ గ్లాస్ దెబ్బతినకుండా 2 మీటర్ల (6.5 అడుగులు) వరకు తాఖీడులను తట్టుకోగలదు, ఇది గొరిల్లా గ్లాస్ 6 తట్టుకోగల ఎత్తు కంటే రెండు రెట్లు ఎక్కువ. విక్టస్ గురించి , కార్నింగ్ వాదనల ప్రకారం, ఇది దెబ్బతినడానికి వీలులేకుండా చాలా నిరోధకతను కలిగి ఉంటాయి మరియు పగుళ్లు ఏర్పడిన తర్వాత కూడా పనిచేసే విధంగా సమగ్రతను కాపాడుకోగలవు.
ఈ రోజుల్లో స్మార్ట్ ఫోన్ల స్పెక్-షీట్లో గొరిల్లా గ్లాస్ ఒక ముఖ్యమైన భాగం. షియోమి, ఒప్పో, శామ్‌సంగ్, ఎల్‌జి, మోటరోలా వంటి చాలా పెద్ద బ్రాండ్లు గొరిల్లా గ్లాస్ పై ఆధారపడతాయి. అంతేకాదు, ఈ తయారీదారులు గ్లాస్-శాండ్‌విచ్ డిజైన్‌ ను అవలంబించడం ప్రారంభించిన తరువాత, ఫోన్ యొక్క రెండు వైపులా గొరిల్లా గ్లాస్ ను వాడటం మొదలుపెట్టారు.
ఇక Gorilla Glass 6 ని గుర్తుచేసుకుంటే, గొరిల్లా గ్లాస్ 6 రెండేళ్ల క్రితం వచ్చింది మరియు చాలా పెద్ద బ్రాండ్ల చే ఫ్లాగ్‌షిప్ మరియు మిడ్-రేంజ్ స్మార్ట్ ఫోన్ లలో ఉపయోగించబడింది. అయితే, కోత్తగా ప్రకటించిన విక్టస్ మరింత కఠినంగా ఉండే అవకాశం ఉంది.