గూగుల్ తన గూగుల్ ప్లే స్టోర్ నుండి 17 యాప్స్ తొలగించింది. ఈ 17 యాప్స్ అన్ని కొడా జోకర్ బ్రెడ్ మాల్వేర్ భారిన పడినట్లుగా గుర్తించబడ్డాయి. ఈ మాల్వేర్ గూగుల్ యొక్క మొబైల్ OS లో రెగ్యులర్ గా కనిపించే మాల్వేర్లలో ఒకటి. అంతేకాదు, 2017 నుండి గూగుల్ దానిని అరికట్టే ప్రయత్నం చేస్తోంది. గతంలో, ఈ జోకర్ మాల్వేర్ భారిన పడిన 1700 కి పైగా యాప్స్ ను గూగుల్ ప్లే స్టోర్ నుండి తొలగించింది. ప్రస్తుతం తొలిగించిన ఈ 17 యాప్స్ జాబితా ఈ క్రింద చూడవచ్చు.
Zscaler సెక్యూరిటీ ప్రకారం, “ఈ స్పైవేర్ SMS సందేశాలు, కాంటాక్ట్ జాబితాలు మరియు డివైజ్ సమాచారాన్ని దొంగిలించడానికి రూపొందించబడింది. అలాగే ప్రీమియం వైర్లెస్ అప్లికేషన్ ప్రోటోకాల్ (WAP) సేవలకు బాధితుడిని సైలెంట్ గా సైన్ అప్ చేస్తుంది”. జూలై 2020 లో మరియు సెప్టెంబర్ 2019 లో కూడా జోకర్ మాల్వేర్ వార్తలను చూశాము.
డివైజ్ కి చేరుకోవటానికి ఈ మాల్వేర్ “డ్రాపర్స్” అనే పద్ధతిని ఉపయోగిస్తుంది. ఈ ప్రక్రియ బహుళ దశలను కలిగి ఉంది. స్లీపింగ్ కంప్యూటర్ ప్రకారం, “చట్టబద్ధమైన యాప్స్ లో దాచిన" డ్రాప్పర్లను "తీయటానికి గూగుల్ చాలా కష్టపడుతుందని మాల్వేర్ రచయితలు గత సంవత్సర రీసర్చ్ ద్వారా గ్రహించారు. సంవత్సరాలుగా, ఎక్కువ మంది మాల్వేర్ ఆపరేషన్లు తమ కోడ్ను రెండు డ్రాపర్ గా మరియు వాస్తవ మాల్వేర్లలో విభజించే ఈ ఉపాయాన్ని అనుసరించాయి.
కారణం, డ్రాప్పర్లకు తక్కువ సంఖ్యలో అనుమతులు అవసరం మరియు హానికరమైనవిగా వర్గీకరించబడే పరిమిత ప్రవర్తనను ప్రదర్శిస్తాయి. అంతేకాకుండా, ఏదైనా హానికరమైన కోడ్ అమలును కొన్ని గంటల ఆలస్యం చేసే టైమర్లను జోడించడం కూడా గూగుల్ స్కాన్స్ సమయంలో మాల్వేర్ గుర్తించబడకుండా ఉండటానికి సహాయపడుతుంది.
ఒక్కమాటలో చెప్పాలంటే, వినియోగదారు సిస్టమ్లో మాల్వేర్ పనిచేయడంలో ఆలస్యం Google యొక్క భద్రతా దృష్టి నుండి దాచిపెడుతుంది. యాప్ అనుమతులను అడిగినప్పుడు మరియు వినియోగదారు దానిని ఇచ్చినప్పుడు, మాల్వేర్ డివైజ్ కు సోకడం ప్రారంభిస్తుంది. అందువల్ల మీకు అవసరం లేని యాప్స్ కు అనుమతులు ఇచ్చేటప్పుడు మీరు చాలా జాగ్రత్తగా ఉండాలి. ఉదాహరణకు, కాంటాక్ట్స్ లేదా డయలర్ లేదా సందేశాలను చూడటానికి అనుమతి అడగడానికి టార్చ్ యాప్ కి ఎటువంటి అవసరం లేదు, అందువల్ల అలాంటి అనుమతులు తిరస్కరించాలి.