சியோமியின் அதன் துணை பிராண்டான ரெட்மியின் புதிய ஸ்மார்ட் விரைவில் அறிமுகப்படுத்தப்பட உள்ளது. நிறுவனம் ஸ்மார்ட் டிவி அறிமுகத்தை அதிகாரப்பூர்வமாக அறிவித்துள்ளது. இதன் டீசரை அந்நிறுவனம் தனது சமூக வலைதளத்தில் வெளியிட்டுள்ளது. இந்த டிவி அமேசானில் அறிமுகப்படுத்தப்படும். இ-காமர்ஸ் தளத்தின் பட்டியலிலும் டிவியின் சில விவரக்குறிப்புகள் வெளிப்படுத்தப்பட்டுள்ளன. இந்த டிவியில் நிறுவனம் என்ன சிறப்பு அம்சங்கள் மற்றும் வடிவமைப்பை அறிமுகப்படுத்தப் போகிறது என்பதை நாங்கள் உங்களுக்கு கூறுவோம்.
புதிய ஸ்மார்ட் டிவி ஃபயர் ஒஎஸ் கொண்டிருக்கும் என சியோமி அதிகாரப்பூர்வமாக அறிவிக்கவில்லை. எனினும், ஸ்மார்ட் டிவி டீசரின் படி புதிய மாடல் ஃபயர் ஒஎஸ் கொண்டிருக்கும் என தெரியவந்துள்ளது. சியோமியின் புதிய ஸ்மார்ட் டிவி அமேசான் மற்றும் சியோமி அதிகாரப்பூர்வ வலைத்தளத்தில் விற்பனை செய்யப்பட உள்ளது.
ஃபயர் ஒஎஸ் டிவியை அறிமுகம் செய்தன் மூலம் சியோமி நிறுவனம் தனது வாடிக்கையாளர்கள் தேர்வு செய்ய அதிக ஆப்ஷன்களை வழங்க இருக்கிறது. ஏற்கனவே ஒனிடா, க்ரோமா, AKAI மற்றும் அமேசான் டிவிக்களில் ஃபயர் ஒஎஸ் வழங்கப்பட்டு உள்ளது.
டீசரின் படி ஸ்மார்ட் டிவி-யின் யுஐ அமேசான் ஃபயர் ஸ்டிக் மற்றும் ஃபயர் ஸ்டிக் 4K-இல் உள்ளதை போன்றே காட்சியளிக்கிறது. இவைதவிர புதிய ஸ்மார்ட் டிவி பற்றி சியோமி எந்த தகவலும் வழங்கவில்லை. வரும் நாட்களில் இதுபற்றிய தகவல்கள் வெளியாகும் என எதிர்பார்க்கலாம். இதுகுறித்து அந்நிறுவனம் வெளியிட்டு இருக்கும் மற்றொரு டீசரில் புதிய ஸ்மார்ட் டிவி மெல்லிய பெசல்கள், அதிக ஸ்கிரீன் டு பாடி ரேஷியோ கொண்டிருக்கிறது