பிஎஸ்என்எல் நிறுவனம் தீபாவளி சலுகையாக இரண்டு பிரீபெயிட் சலுகைகளை அறிவித்து உள்ளது. இவை நாடு முழுக்க அனைத்து வாடிக்கையாளர்களுக்கும் வழங்கப்படுகிறது. எனினும், சில வட்டாரங்களில் இந்த சலுகை வழங்கப்படாமலும் இருக்கலாம். பிஎஸ்என்எல் தீபாவளி சலுகையின் கீழ் அறிவிக்கப்பட்டு இருக்கும் புது சலுகைகளின் விலை முறையே ரூ. 1198 மற்றும் ரூ. 439 என நிர்ணயம் செய்யப்பட்டு உள்ளன.
குறைந்த விலையில் நீண்ட வேலிடிட்டி கொண்ட பிரீபெயிட் சலுகை விரும்புவோருக்கு ஏற்ற வகையில் பிஎஸ்என்எல் ரூ. 1198 சலுகை அறிவிக்கப்பட்டு இருக்கிறது. இதில் பயனர்களுக்கு மொத்தம் 3 ஜிபி டேட்டா, 300 நிமிட வாய்ஸ் கால், ஒவ்வொரு மாதமும் 30 எஸ்எம்எஸ் வழங்கப்படுகிறது. இந்த சலுகை வேலிடிட்டி 365 நாட்கள் ஆகும். இந்த சலுகை நிறைவு பெறும் வரை ஒவ்வொரு மாதமும் பலன்கள் புதுப்பிக்கப்படும்.
இரண்டு புதிய பிஎஸ்என்எல் சலுகைகளை பயனர்கள் அதிகாரப்பூர்வ பிஎஸ்என்எல் வலைதளம் மட்டும் பிஎஸ்என்எல் செல்ப்கேர் செயலியில் ரிசார்ஜ் செய்து கொள்ளலாம்.
பிஎஸ்என்எல் ரூ. 439 சலுகையில் பயனர்களுக்கு அன்லிமிடெட் வாய்ஸ் காலிங், மொத்தத்தில் 300 எஸ்எம்எஸ் வழங்கப்படுகிறது. இந்த சலுகை வேலிடிட்டி 90 நாட்கள் ஆகும். வாய்ஸ் காலிங் மட்டும் பயன்படுத்த விரும்புவோருக்கு இந்த சலுகை பயனுள்ளதாக இருக்கும். இந்த இரு சலுகைகளும் பிஎஸ்என்எல் தீபாவளி சலுகையின் கீழ் அறிவிக்கப்பட்டு இருக்கிறது