रसिक प्रेक्षकांसाठी JioCinema प्रीमियम मिळेल अगदी Free, ‘या’ प्लॅन्ससह करा रिचार्ज। Tech News 

Jio च्या सिनेरसिक ग्राहकांसाठी कंपनीकडे JioCinema प्लॅटफॉर्म उपलब्ध आहे. या प्लॅटफॉर्मवर सामग्री पाहण्यासाठी कंपनीने काही सबस्क्रिप्शन प्लॅन्सदेखील सादर केले आहेत. जर तुम्ही Jio नेटवर्क वापरकर्ते असाल तर तुम्हाला कंपनीच्या नवीन JioCinema प्लॅनचे सदस्यत्व घेण्याची गरज नाही. कारण कंपनी निवडक रिचार्ज प्लॅनवर JioCinema प्रीमियम सबस्क्रिप्शन पूर्णपणे मोफत देत आहे. चला तर मग जाणून घेऊयात JioCinema चे सब्स्क्रिप्शन्स असलेल्या प्लॅन्सची यादी-

Jio चा 148 रुपयांचा प्लॅन

Jio चा 148 रुपयांचा प्लॅन 28 दिवसांच्या वैधतेसह येतो. प्लॅनमध्ये वापरण्यासाठी 10GB 4G डेटा उपलब्ध आहे. मनोरंजनासाठी, या वापरकर्त्यांना एकूण 12 OTT प्लॅटफॉर्मचा लाभ मिळतो. ज्यात JioCinema Premium, Sony LIV, Zee5, Sun NXT, Discovery+ आणि इ. चे सदस्यत्व मिळेल.

Jio चा 389 रुपयांचा प्लॅन

Jio च्या 389 रुपयांच्या प्लॅनमध्ये दररोज 2GB आणि 6GB अतिरिक्त 4G डेटा दिला जात आहे. या प्लॅनची ​​वैधता देखील 28 दिवस आहे. इतकेच नाही तर रिचार्जमध्ये वापरकर्त्यांना एकूण 12 OTT प्लॅटफॉर्मचा लाभ मिळतो. ज्यामध्ये JioCinema Premium, Sony LIV, Zee5, Sun NXT, Discovery+ आणि इ. चे सदस्यत्व मिळेल. तसेच, प्लॅनमध्ये मोफत अमर्यादित कॉलिंग आणि दररोज 100SMS उपलब्ध आहेत.

Jio चा 1,198 रुपयांचा प्लॅन

Jio च्या 1,198 रुपयांच्या प्लॅनची वैधता 84 दिवस आहे. पहिल्या दोन प्लॅन्सवर ऑफर केलेल्या 12 OTT सदस्यतांव्यतिरिक्त यात Prime Video मोबाइल सदस्यता आणि Disney+ Hotstar सदस्यता देखील मिळेल. या प्लॅनच्या अतिरिक्त फायद्यांमध्ये दररोज 2GB 4G डेटा, अमर्यादित 5G आणि अमर्यादित कॉलिंग आणि 100 SMS प्रतिदिन समाविष्ट आहेत.

Jio चा 4,498 रुपयांचा प्लॅन

Jio चा हा वार्षिक सदस्यता असलेला प्लॅन आहे. हा प्लॅन 14 OTT प्लॅटफॉर्मवर 365 दिवसांसाठी अमर्यादित 5G डेटासह येतो. यामध्ये तुम्हाला दररोज 2GB 4G डेटा मिळेल. याशिवाय यूजर्सना या प्लॅनमध्ये अतिरिक्त 78GB 4G डेटा देखील दिला जात आहे. वैधतेदरम्यान वापरकर्ते वर्षभर या सर्व फायद्यांचा आनंद घेऊ शकतात.

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile