आणखी 10 शहरांमध्ये Jio ची 5G सेवा सुरु
महाराष्ट्रातील दोन शहरांचा यादीत समावेश
आत्तापर्यंत कंपनीने देशातील जवळपास 75 शहरांमध्ये 5G सेवा सुरू केली आहे.
दूरसंचार कंपनी रिलायन्स Jio आपली हाय स्पीड इंटरनेट 5G सेवा Jio True 5G सतत वाढवत आहे. रिलायन्स जिओने आता 10 शहरांमध्ये त्यांची 5G सेवा एकाच वेळी सुरू केली आहे. या शहरांमध्ये उत्तर प्रदेश, आंध्र प्रदेश, केरळ आणि महाराष्ट्रातील शहरांचा समावेश आहे. या शहरांमधील जिओ वापरकर्त्यांना 'जिओ वेलकम ऑफर' अंतर्गत आमंत्रित केले जाईल आणि वापरकर्त्यांना कोणत्याही अतिरिक्त शुल्काशिवाय 1Gbps+ स्पीडसह अमर्यादित डेटा मिळेल.
हे सुद्धा वाचा : USB Type C: आता एकाच चार्जरने चार्ज होणार फोन, लॅपटॉप, टॅबलेट, वाचा डिटेल्स….
या प्रसंगी टिप्पणी करताना, जिओचे प्रवक्ते म्हणाले, “आम्हाला चार राज्यांतील 10 शहरांमध्ये Jio true 5G सेवा सुरू करताना अभिमान वाटतो. आम्ही देशभरात खऱ्या 5G रोलआउटची गती वाढवली आहे कारण प्रत्येक Jio वापरकर्त्याने Jio True चा लाभ घ्यावा अशी आमची इच्छा आहे. \
या शहरांत लाँच झाली सेवा
Jio ने आपली हाय स्पीड इंटरनेट 5G सेवा Jio True 5G आग्रा, कानपूर, मेरठ, उत्तर प्रदेशातील प्रयागराज, तिरुपती, आंध्र प्रदेशातील नेल्लोर, केरळमधील कोझिकोड, त्रिशूर आणि महाराष्ट्रातील नागपूर, अहमदनगर येथे सुरू केली आहे. यापैकी बहुतेक शहरांमध्ये 5G सेवा सुरू करणारी रिलायन्स जिओ ही पहिली आणि एकमेव ऑपरेटर ठरली आहे.
आत्तापर्यंत कंपनीने देशातील जवळपास 75 शहरांमध्ये 5G सेवा सुरू केली आहे. या शहरांमधील जिओ वापरकर्त्यांना 'जिओ वेलकम ऑफर' अंतर्गत आमंत्रित केले जाईल आणि या शहरांमधील जिओ वापरकर्त्यांना कोणत्याही अतिरिक्त शुल्काशिवाय 1Gbps+ स्पीड आणि अमर्यादित डेटा मिळेल.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
