BSNL च्या स्वस्त रिचार्ज प्लॅनची यादी
सर्वात स्वस्त प्लॅनची किंमत फक्त 19 रुपये
प्लॅनमध्ये अमर्यादित कॉलिंग आणि इंटरनेट डेटा उपलब्ध
भारतीय संचार निगम लिमिटेड (BSNL) ने दूरसंचार उद्योगात रिचार्जच्या बाबतीत AIRTEL आणि JIO लाही मागे टाकले आहे. BSNL खूप कमी किमतीत अधिक बेनिफिट्ससह प्रीपेड रिचार्ज प्लॅन ऑफर करतो. अलीकडेच BSNL ने 19 रुपयांचा नवीन प्रीपेड प्लॅन आणला आहे. या प्लॅनमध्ये तुम्हाला दीर्घ वैधतेसह कॉल करण्याची सुविधा मिळणार आहे. जाणून घेऊयात BSNL च्या अतिशय स्वस्त आणि उच्च वैधता असलेल्या 19 रुपयांच्या प्लॅनबद्दल सविस्तर माहिती…
हे सुद्धा वाचा : MOTOROLA : 200MP कॅमेरा, 125W फास्ट चार्जिंगसह जगातील पहिला फोन पुढील आठवड्यात होणार लाँच
19 रुपयांचा प्रीपेड प्लॅन
BSNL चा 19 रुपयांचा नवीन प्रीपेड प्लॅन 30 दिवसांच्या दीर्घ वैधतेसह येतो. या प्लॅनच्या रिचार्जमध्ये, तुमचा कॉल दर 20 पैसे प्रति मिनिट होतो. प्लॅनची वैधता 30 दिवसांची आहे, म्हणजेच या प्लॅनचा रिचार्ज केल्यानंतर तुम्हाला 19 रुपयांमध्ये 30 दिवसांपर्यंत वैधता मिळते. दुसरे सिम चालू ठेवण्यासाठी ही सर्वोत्तम रिचार्ज योजना आहे. या प्लॅनमध्ये तुम्हाला इनकमिंगची सुविधाही मिळेल.
49 रुपयांचा प्रीपेड प्लॅन
BSNL च्या इतर रिचार्जबद्दल बोलायचे झाले तर 49 रुपयांचे प्रीपेड रिचार्ज देखील तुमच्यासाठी एक चांगला पर्याय असेल. या प्लॅनमध्ये तुम्हाला 20 दिवसांच्या वैधतेसह 100 मिनिटे व्हॉइस कॉलिंग मिळते. या प्लॅनमध्ये 20 दिवसांसाठी 1 GB इंटरनेट डेटा देखील उपलब्ध आहे.
87 रुपयांचा प्रीपेड प्लॅन
जर तुम्हाला कॉलिंग प्लॅन घ्यायचा असेल तर 87 रुपयांचा प्रीपेड रिचार्ज प्लॅन तुमच्यासाठी एक चांगला पर्याय आहे. या प्लॅनमध्ये 14 दिवसांसाठी अमर्यादित व्हॉइस कॉलिंग आणि 1 GB इंटरनेट डेटा उपलब्ध आहे. या प्लॅनमध्ये दररोज 100 SMS देखील उपलब्ध आहेत.
105 रुपयांचा प्रीपेड प्लॅन
105 रुपयांच्या BSNL प्लॅनमध्ये 22 दिवसांच्या वैधतेसह अमर्यादित व्हॉइस कॉलिंग उपलब्ध आहे. या प्लॅनमध्ये इंटरनेट डेटा आणि SMS सुविधा उपलब्ध नाही.
118 रुपयांचा प्रीपेड प्लॅन
जर तुम्हाला अमर्यादित व्हॉईस कॉलिंगसह इंटरनेट डेटा हवा असेल, तर तुमच्यासाठी 118 रुपयांचा रिचार्ज प्लॅन एक चांगला पर्याय आहे. या प्लॅनमध्ये 20 दिवसांच्या वैधतेसह अमर्यादित व्हॉइस कॉलिंग आणि 0.5 GB इंटरनेट डेटा उपलब्ध आहे.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
