Nothing Phone 3a सिरीज लाँच करण्यासाठी सज्ज झाली आहे.
सिरीजअंतर्गत Nothing Phone 3a आणि Nothing Phone 3a Pro असू शकतात.
दोन्ही फोनमध्ये सेल्फीसाठी आकर्षक फ्रंट कॅमेरा मिळणार आहे.
ट्रान्सपरंट डिझाईनसह स्मार्टफोन्स देण्यासाठी प्रसिद्ध Nothing कंपनी आगामी स्मार्टफोन्स लाँच करण्यात सज्ज झाली आहे. आम्ही तुम्हाला सांगतो की, नथिंग येत्या 4 मार्च रोजी त्यांची नवीनतम स्मार्टफोन लाइनअप, Nothing Phone 3a सिरीज लाँच करण्यासाठी सज्ज झाली आहे. या सिरीजमध्ये दोन स्मार्टफोन समाविष्ट होण्याची अपेक्षा आहे, जे Nothing Phone 3a आणि Nothing Phone 3a Pro असू शकतात. लाँच तोंडावर असतानाच या स्मार्टफोनची अपेक्षित किंमत पुढे आली आहे. यासह तुम्हाला आगामी स्मार्टफोनसाठी बजेट प्लॅन करणे सोपे होईल. त्याबरोबरच, लीकद्वारे या आगामी उपकरणांबद्दल बहुतेक माहिती आधीच उघड झाली आहे.
SurveyPhone (3a) Series.
— Nothing India (@nothingindia) February 24, 2025
Where technical intricacy meets purity – the essence of Nothing.
Get Closer | 4 March 3:30 PM pic.twitter.com/XkJFx3mogm
Also Read: Price Drop! आकर्षक Samsung Galaxy F55 5G वर तब्बल 10,000 रुपयांचा Discount
Nothing Phone 3a आणि Phone 3a Pro ची अपेक्षित किंमत
Nothing Phone 3a फोनची अपेक्षित किंमत पुढे आली आहे. लीकनुसार, फोनच्या 8GB रॅम आणि 128GB स्टोरेज असलेल्या बेस मॉडेलसाठी नथिंग फोन 3a ची किंमत 349 युरो म्हणजेच अंदाजे 31,600 रुपये इतकी असण्याची शक्यता आहे. तर, फोनच्या 12GB रॅम आणि 256GB स्टोरेज असलेल्या हाय-एंड व्हेरिएंटची किंमत युरो 399 म्हणजेच सुमारे 36,100 रुपये असण्याची शक्यता वर्तवली जात आहे. मात्र, दोन्ही स्मार्टफोनची खरी किंमत फोन लाँच झाल्यानंतरच पुढे येईल.
Nothing Phone 3a आणि Phone 3a Pro चे फीचर्स आणि स्पेसिफिकेशन्स
दोन्ही Nothing Phone 3a आणि Phone 3a Pro फोनमध्ये 120Hz रिफ्रेश रेटसह 6.77-इंच लांबीचा AMOLED डिस्प्ले असण्याची अपेक्षा केली आहे. हा डिस्प्ले जबरदस्त पांडा ग्लासने संरक्षित असू शकतो. स्मूथ परफॉर्मन्ससाठी, या दोन्ही स्मार्टफोन्समध्ये क्वालकॉम स्नॅपड्रॅगन 7S Gen 3 चिपसेट असण्याची अपेक्षा आहे. स्टोरेज सेक्शनबद्दल बोलायचे झाल्यास, हे दोन्ही स्मार्टफोन 12GB पर्यंत रॅम आणि 256GB पर्यंत स्टोरेजसह येऊ शकतात.
फोटोग्राफीसाठी, Nothing Phone 3a आणि Phone 3a Pro फोनमध्ये ट्रिपल-रीअर कॅमेरा सेटअप असण्याची शक्यता आहे. ज्यामध्ये 50MP चा मुख्य सेन्सर, 8MP चा अल्ट्रा-वाइड लेन्स आणि 50MP चा टेलिफोटो लेन्स असू शकतो. दुसरीकडे, फोनच्या प्रो मॉडेलमध्ये 3x ऑप्टिकल झूम आणि 60x डिजिटल झूमचा लाभ मिळू शकतो. तसेच, आकर्षक सेल्फीसाठी 3a फोनमध्ये 32MP फ्रंट कॅमेरा आणि 3a Pro मध्ये 50MP सेल्फी कॅमेरा मिळण्याची शक्यता आहे. लीकनुसार, पॉवर बॅकअपसाठी फोनमध्ये 45W फास्ट चार्जिंगसह 5000mAh बॅटरी देण्यात आली उपलब्ध आहे.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
