Redmi ने लॉन्च केला स्वस्त स्मार्टफोन, बघुयात किंमत आणि स्टायलिश लुक

By Reshma Zalke | Updated on 03-Jan-2023

Reshma Zalke

03 Jan 2023 09:46

HIGHLIGHTS

Redmi 12C स्वस्त स्मार्टफोन लाँच

Redmi 12C ची सुरुवातीची किंमत सुमारे 8,400 रुपये

Redmi 12C ही Redmi 10C ची अपग्रेड केलेली आवृत्ती आहे.

Redmi ने आपला नवीन फोन Redmi 12C देशांतर्गत बाजारात लॉन्च केला आहे. Redmi 12C लाँच झाल्यानंतर कंपनीच्या नवीन फ्लॅगशिप Redmi K60 सीरीजची विक्री देखील सुरू झाली आहे. Redmi 12C ही Redmi 10C ची अपग्रेड केलेली आवृत्ती आहे. Redmi 12C मध्ये MediaTek Helio G85 प्रोसेसर देण्यात आला आहे. याशिवाय, Redmi ने हा फोन तीन स्टोरेज वेरिएंट आणि चार कलर व्हेरियंटमध्ये लॉन्च केला आहे. Redmi 12C मध्ये प्लास्टिकची बॉडी आणि फ्रेम आहे.

हे सुद्धा वाचा : तारीख नोट करा ! भारतात 'या' दिवशी लाँच होणार स्वस्त Samsung Galaxy F04 स्मार्टफोन

Redmi 12C चे स्पेसिफिकेशन

Redmi 12C मध्ये 6.71-इंच लांबीचा HD Plus डिस्प्ले आहे, ज्याची ब्राइटनेस 500 nits आहे. Redmi 12C मध्ये MediaTek Helio G85 प्रोसेसरसह ग्राफिक्ससाठी Mali-G52 GPU आहे. याशिवाय 6 GB पर्यंत LPDDR4X रॅम आणि 128 GB पर्यंत eMMC 5.1 फ्लॅश मेमरी वापरण्यात आली आहे. फोनसोबत 512 GB मेमरी कार्डसाठी सपोर्ट आहे.

कनेक्टिव्हिटीसाठी फोनमध्ये 3.5mm हेडफोन जॅक, 4G, मायक्रो USB पोर्ट आहे. Redmi 12C मध्ये 5000mAh बॅटरी असून 10W चार्जिंगसाठी सपोर्ट आहे. भारतात, हा फोन बहुधा टाइप-C पोर्ट सह सादर केला जाईल, जरी या क्षणी त्याच्या लॉन्चची कोणतीही बातमी नाही.

Redmi च्या या फोनमध्ये 50-मेगापिक्सलचा रियर कॅमेरा आणि 5-मेगापिक्सलचा सेल्फी कॅमेरा आहे. कॅमेऱ्यासोबत फ्लॅश लाइटही देण्यात आला आहे. याशिवाय कॅमेऱ्यासोबत HDR सह अनेक मोड देण्यात आले आहेत.

Redmi 12C ची किंमत :

Redmi 12C ची सुरुवातीची किंमत 699 चीनी युआन म्हणजेच सुमारे 8,400 रुपये आहे. या किंमतीत, 4 GB रॅमसह 64 GB स्टोरेज उपलब्ध असेल. याशिवाय फोनच्या 4 GB रॅम आणि 128 GB स्टोरेजची किंमत 799 चीनी युआन म्हणजेच जवळपास 9,600 रुपये ठेवण्यात आली आहे. फोनच्या टॉप व्हेरिएंटची म्हणजेच 6 GB रॅमसह 128 GB स्टोरेजची किंमत 899 युआन म्हणजेच सुमारे 10,800 रुपये आहे. कंपनीच्या साइटवरून Redmi 12C ची विक्री सुरू झाली असून ती सी ब्लू, मिंट ग्रीन, शॅडो ब्लॅक आणि लव्हेंडर कलरमध्ये खरेदी करता येईल.

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile