जर तुमच्याकडे Realme स्मार्टफोन असेल तर तुमच्यासाठी एक आनंदाची बातमी आहे. कंपनीने जाहीर केले आहे की, ऑक्टोबरपर्यंत त्यांचे सर्व 5G स्मार्टफोन स्टँडअलोन 5G नेटवर्कला सपोर्ट करतील. कंपनीने असे म्हटले आहे की, त्यांचे सुमारे 85 टक्के उपकरणे आधीच स्टँडअलोन (SA) नेटवर्कला समर्थन देतात, ज्यामुळे 5G वापरकर्त्यांना फायदा होईल.
हे सुद्धा वाचा : JioBook: Jio चा 4G लॅपटॉप 15,000 रुपयांमध्ये लाँच होऊ शकतो, विंडोजलाही मिळणार सपोर्ट
स्टँडअलोन नेटवर्क हे एक हाय-स्पीड 5G नेटवर्क आहे, जे 4G इन्फ्रास्ट्रक्चरवर अवलंबून नसते आणि उत्तम इंटरनेट स्पीड देते. स्टँडअलोन सेवा 5G गती वितरीत करण्यासाठी समर्पित स्पेक्ट्रम वापरते. Reliance Jio ही भारतातील एकमेव दूरसंचार कंपनी आहे, जी 700MHz स्पेक्ट्रमसह आपल्या वापरकर्त्यांना SA 5G अनुभव देईल.
IMC 2022 इव्हेंटमध्ये, Realme India चे CEO माधव सेठ यांनी उघड केले की कंपनीची संपूर्ण 5G लाइनअप भारतातील टेलिकॉम ऑपरेटरना ऑफर केलेल्या स्पेक्ट्रमशी सुसंगत आहे. Jio, Airtel आणि Vi व्यतिरिक्त, कंपनीने भारतातील सर्व वापरकर्त्यांना 5G फायदे देण्यासाठी chipmakers Qualcomm आणि MediaTek सोबत भागीदारी केली आहे.
Realme ने घोषणा केली होती की, ते लॉन्च करणारी सर्व नवीन उपकरणे 5G सुसंगत असतील. याशिवाय, कंपनीने 10,000 रुपयांच्या खाली स्वस्त 5G स्मार्टफोन आणण्याची घोषणा देखील केली होती, तरीही आजपर्यंत हे बजेट फोन बाजारात आलेले नाहीत.
कंपनी आपल्या उपकरणांना नवीन फर्मवेअर अपडेट देत आहे, जेणेकरून त्यांना Jio 5G नेटवर्कचा लाभ मिळेल. बर्‍याच वापरकर्त्यांना नवीन अपडेट मिळत आहे, ज्यांच्या चेंजलॉगमध्ये Jio 5G साठी समर्थन समाविष्ट असल्याचे म्हटले आहे. तुम्ही डिव्हाइस सेटिंग्ज आणि सॉफ्टवेअर अपडेट सेक्शनमध्ये जाऊन लेटेस्ट सॉफ्टवेअर वर्जन इन्स्टॉल करू शकता.