Oppo चा 64MP कॅमेरा असलेला 5G स्मार्टफोन, दमदार प्रोसेसरसह मिळेल 33W फास्ट चार्जिंग

Oppo ने आपला नवीन स्मार्टफोन Oppo Reno 8Z 5G बाजारात लाँच केला आहे. कंपनीने हा फोन Oppo Reno 7Z 5G चा सक्सेसर म्हणून लाँच केला आहे. फोन 8 GB रॅम आणि 128 GB इंटर्नल स्टोरेजसह येतो. यात 64 मेगापिक्सेलचा प्रायमरी कॅमेरा आणि 33 W फास्ट चार्जिंगसह अनेक उत्तम फीचर्स आहेत. कंपनीने हा फोन नुकताच थायलंडमध्ये लाँच केला आहे. त्याची किंमत 12,990 THB म्हणजेच सुमारे 28,664 रुपये आहे. Oppo Reno 8Z 5G डॉनलाइट गोल्ड आणि स्टारलिंक ब्लॅक कलर ऑप्शन्समध्ये येतो.

हे सुद्धा वाचा: iPhone 14 च्या बेस व्हेरिएंटची किंमत लीक, iPhone 13 सिरीजपेक्षा असणार स्वस्त ?

Oppo Reno 8Z 5G चे फीचर्स आणि स्पेसिफिकेशन्स 

फोनमध्ये कंपनी 6.43-इंच लांबीचा फुल HD + एमोलेड डिस्प्ले देत आहे. फोनमध्ये आढळणारा हा डिस्प्ले 60Hz च्या रिफ्रेश रेटला सपोर्ट करतो. कंपनीने हा फोन 8 GB रॅम आणि 128 GB इंटरनल स्टोरेज सह लाँच केला आहे. प्रोसेसर म्हणून यामध्ये स्नॅपड्रॅगन 695 चिपसेट दिला जात आहे. फोटोग्राफीसाठी फोनच्या मागील बाजूस LED  फ्लॅशसह ट्रिपल कॅमेरा सेटअप आहे.

 या फोनमध्ये मायक्रो SD कार्ड सपोर्टही देण्यात आला आहे. कनेक्टिव्हिटीसाठी, या 5G फोनमध्ये ड्युअल सिम सपोर्ट, Wi-Fi 5, ब्लूटूथ 5.1, GPS, NFC, USB टाइप-C पोर्ट आणि 3.5 मिमी हेडफोन जॅक असे पर्याय आहेत.

यात 2-मेगापिक्सेल मॅक्रो आणि 64-मेगापिक्सेल प्रायमरी सेन्सरसह 2-मेगापिक्सेल डेप्थ सेन्सर समाविष्ट आहे. इन-डिस्प्ले फिंगरप्रिंट सेन्सरसह हा फोन 4500mAh बॅटरीने समर्थित आहे. ही बॅटरी 33W फास्ट चार्जिंगला सपोर्ट करते. हा फोन Android 12 वर आधारित ColorOS 12.1 वर काम करतो.

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile