OnePlus Nord 3 लवकरच लाँच होणार
यासह कंपनी बड्स, स्मार्टवॉच इ. इतर नवीन डिवाइस लाँच करण्याची शक्यता आहे
जाणून घ्या, OnePlus Nord 3 चे संभावित स्पेसिफिकेशन्स
स्मार्टफोन ब्रँड OnePlus लवकरच आपला नवीन स्मार्टफोन OnePlus Nord 3 लाँच करू शकतो. OnePlus Nord सिरीज ही कंपनीकडून येणारी बजेट सिरीज आहे. या सीरीज अंतर्गत, वनप्लसने आतापर्यंत वनप्लस नॉर्ड आणि वनप्लस नॉर्ड 2 फोन सादर केले होते. ही सीरीज वनप्लसची सर्वात लोकप्रिय सिरीज देखील मानली जाते. हा फोन लवकरच भारतात लाँच केला जाऊ शकतो, असा दावा OnePlus Nord 3 बद्दल केला जात आहे.
Surveyहे सुद्धा वाचा : महत्त्वाचे ! लहान मुले YouTube प्ले करतात, 'अशा'प्रकारे ब्लॉक करा ऍडल्ट कंटेंट, बघा सोप्या स्टेप्स…
टिपस्टर मुकुल शर्मा यांनी एका ट्विटद्वारे दावा केला आहे की, वनप्लस हा फोन लाँच करण्याच्या तयारीत आहे. टिपस्टरच्या मते, या फोनसह कंपनी Nord Watch, Nord Band, New Nord Buds आणि Nord स्मार्ट मेजरिंग स्केलसह इतर स्मार्ट डिवाइस सादर करण्याची शक्यता आहे. कंपनीने अलीकडेच OnePlus Nord Buds CE TWS इयरबड्स भारतात 2,299 रुपयांच्या किमतीसह लाँच केले आहेत.
OnePlus Nord 3 चे संभावित स्पेसिफिकेशन्स
हा फोन 6.7-इंच लांबीच्या फुल HD + AMOLED डिस्प्लेसह लाँच केले जाऊ शकते, ज्याला 120Hz आणि 1080×2412 पिक्सेल रिझोल्यूशनचा रिफ्रेश रेट मिळेल. तसेच, फोन MediaTek Dimensity 8100 प्रोसेसर आणि 50-megapixel ट्रिपल कॅमेरा सेटअपसह सुसज्ज असेल, असे सांगितले जात आहे. यामध्ये 4,500mAh बॅटरीसह 150W सुपर फ्लॅश चार्जिंगसाठी देखील सपोर्ट मिळणार आहे.
तसेच, यामध्ये 8 मेगापिक्सल आणि 2 मेगापिक्सलमध्ये डेप्थ आणि मॅक्रो सेन्सर्स देखील मिळू शकतात. फोनमध्ये व्हिडिओ कॉल आणि सेल्फीसाठी 16-मेगापिक्सेल कॅमेरा मिळेल. तसेच, फोन 12 GB पर्यंत रॅम आणि 256 GB पर्यंत स्टोरेजसह ऑफर केला जाऊ शकतो.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
