प्रतीक्षा संपली ! OnePlus 11R कमी किमतीत लाँच, जाणून घ्या किमंत आणि जबरदस्त स्पेक्स

स्मार्टफोन ब्रँड OnePlus ने त्याच्या Cloud 11 इव्हेंटमध्ये OnePlus 11R लाँच केला आहे. कंपनीने या फोनसोबत OnePlus 11 5G, OnePlus Buds Pro 2, OnePlus Pad आणि OnePlus TV 65 Q 2 Pro देखील लॉन्च केला आहे. या फोनची सुरुवातीची किंमत 39,999 रुपये आहे. OnePlus 11R च्या इतर फीचर्स आणि स्पेक्स बद्दल जाणून घेऊया…

हे सुद्धा वाचा : Google Bard ने केली एंट्री, अगदी सोप्या पद्धतीने समजून घ्या नवी टेक्नॉलॉजी

OnePlus 11R चे स्पेसिफिकेशन्स

OnePlus 11R मध्ये 6.74-इंचाचा फुल HD प्लस कर्व AMOLED डिस्प्ले आहे, ज्याचे रिझोल्यूशन 2772×1240 पिक्सेल आहे आणि 1450 nits चे पीक ब्राइटनेस आहे. डिस्प्ले 120 Hz रिफ्रेश रेटचा आहे. फोनमध्ये 16 GB पर्यंत LPDDR5X रॅम आणि 256 GB पर्यंत स्टोरेजसह Qualcomm चा Snapdragon 8+ Gen 1 प्रोसेसर आहे. फोनसोबत सुरक्षेसाठी फिंगरप्रिंट सेन्सरही देण्यात आला आहे.

फोनमध्ये OnePlus 11 प्रमाणेच ट्रिपल रियर कॅमेरा सेटअप देण्यात आला आहे. OnePlus 11R मध्ये सोनी IMX890 सेन्सरसह 50-मेगापिक्सलचा प्राथमिक कॅमेरा येतो. सेकंडरी कॅमेरा 8-मेगापिक्सेल अल्ट्रा वाइड-एंगल सेन्सर आहे आणि तिसरा कॅमेरा 2-मेगापिक्सेल मॅक्रो लेन्स आहे. सेल्फी आणि व्हिडिओ कॉलसाठी, फोनमध्ये 16-मेगापिक्सलचा फ्रंट कॅमेरा आहे, जो पंच होल कटआउट डिझाइनमध्ये आहे.

OnePlus 11R ने 5000mAh बॅटरी पॅक केली आहे, जी 100W SuperVOOC फास्ट चार्जिंगला सपोर्ट करते. कनेक्टिव्हिटीसाठी फोनमध्ये 5G, 4G, Wi-Fi, Bluetooth 5.3, NFC, GPS आणि USB Type-C पोर्ट उपलब्ध आहेत.

OnePlus 11R किंमत

OnePlus 11R फोन दोन स्टोरेज पर्यायांमध्ये येतो. 8 GB रॅम सह 128 GB स्टोरेज वेरिएंटची किंमत 39,999 रुपये ठेवण्यात आली आहे आणि 16 GB रॅमसह 256 GB स्टोरेजची किंमत 44,999 रुपये ठेवण्यात आली आहे. 21 फेब्रुवारीपासून फोन प्री-ऑर्डर करता येईल. तर, 28 फेब्रुवारीपासून, हे Amazon India आणि कंपनीच्या अधिकृत वेबसाइटवरून खरेदी केले जाऊ शकते.

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile