OnePlus 11 आज भारतात होईल लाँच, iQoo 11 शी होणार जबरदस्त स्पर्धा…

By Reshma Zalke | Updated on 07-Feb-2023

Reshma Zalke

07 Feb 2023 17:07

HIGHLIGHTS

OnePlus Cloud 11 इव्हेंट आज संध्याकाळी 7.30 वाजता

हा फोन 60 हजार किंवा त्याहून अधिक किमतीत सादर केला जाईल.

OnePlus 11 5G ची स्पर्धा थेट नवीनतम स्मार्टफोन iQOO 11 5G सह होणार

OnePlus आपला नवीन फ्लॅगशिप आणि कंपनीचा सर्वात पावरफुल स्मार्टफोन OnePlus 11 5G आज म्हणजेच 7 फेब्रुवारी रोजी लाँच करणार आहे. कंपनी हा फोन आपल्या OnePlus Cloud 11 इव्हेंट मध्ये संध्याकाळी 7.30 वाजता लाँच करेल. OnePlus 11 5G सोबत, कंपनी OnePlus 11R, OnePlus Buds Pro 2, OnePlus Pad आणि OnePlus TV 65 Q2 Pro देखील सादर करणार आहे. OnePlus 11 5G 16GB रॅम सह ऑफर केला जाईल. OnePlus 11 5G थेट IQOO च्या नवीनतम स्मार्टफोन iQOO 11 5G शी स्पर्धा करेल.

हे सुद्धा वाचा : 399 मध्ये JIO पोस्टपेड प्लॅन, मोफत बघा Netflix आणि Amazon प्राइम व्हिडिओ

OnePlus 11 5G ची संभाव्य किंमत

कंपनीने फोनची किंमत अद्याप जाहीर केलेली नाही. पण सोशल मीडियावर फोनच्या किंमतीबाबत दावे केले जात आहेत. दाव्यानुसार, हा फोन 60 हजार किंवा त्याहून अधिक किमतीत सादर केला जाईल.

OnePlus 11 5G

OnePlus 11 5G 6.7-इंचाच्या 2K रिझोल्यूशन डिस्प्लेसह सादर केला जाईल, ज्याचा रिफ्रेश रेट 120Hz असेल आणि डिस्प्लेचे पॅनेल AMOLED LTPO 3.0 असेल. फोनमध्ये स्नॅपड्रॅगन 8 जेन 2 प्रोसेसर आणि अँड्रॉइड 13 सह ColorOS 13 मिळेल. कंपनी फोनसोबत चार वर्षांसाठी अँड्रॉइड अपडेट्स देणार असल्याचा दावा केला जात आहे.

म्हणजेच, Android 16 आणि Android 17 देखील फोनसोबत उपलब्ध असतील. फोनमध्ये 16 GB पर्यंत LPDDR5x RAM आणि 512 GB पर्यंत UFS4.0 स्टोरेज मिळू शकते. फोनमध्ये वॉटर रेसिस्टंटसाठी IP68 रेटिंग उपलब्ध असेल.

OnePlus चा आगामी फोन हॅसलब्लॅड ब्रँडिंगसह तीन रियर कॅमेऱ्यांसह सादर केला जाईल. OnePlus 11 5G प्रायमरी लेन्स 50 मेगापिक्सेल Sony IMX890 सेन्सर, सेकंडरी लेन्स 32 मेगापिक्सेल Sony IMX709 टेलिफोटो पोर्ट्रेट लेन्स आणि तिसरी लेन्स 48 मेगापिक्सेल अल्ट्रा वाइड अँगल Sony IMX581 सेन्सरसह येईल. सेल्फी आणि व्हिडिओ कॉलसाठी फोनमध्ये 16-मेगापिक्सेल फ्रंट कॅमेरा मिळेल. हा फोन भारतात 5,000mAh बॅटरी आणि 100W चार्जिंगसह सादर केला जाईल.

iQOO 11 5G

स्मार्टफोन ब्रँड iQOO ने अलीकडेच त्याचा सर्वात वेगवान आणि फ्लॅगशिप फोन iQOO 11 5G भारतात लाँच केला आहे. फोनमध्ये 144Hz रिफ्रेश रेटसह 6.78-इंचाचा 2K E6 AMOLED डिस्प्ले आहे आणि 120W जलद चार्जिंगसाठी समर्थन आहे. फोनसोबत 512GB पर्यंत स्टोरेज पर्याय आहे. iQOO 11 5G क्वालकॉम स्नॅपड्रॅगन 8 Gen 2 प्रोसेसरने सुसज्ज आहे. फोनमध्ये Android 13 ऑपरेटिंग सिस्टम आणि 16 मेगापिक्सेल सेल्फी शूटर आहे. हा सर्वात वेगवान फोन असल्याचा कंपनीने दावा केला आहे.

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile