खुशखबर ! 12GB रॅम आणि OnePlus चे सुपर फीचर्स असलेला फोन 5000 रुपयांनी स्वस्त, वाचा डिटेल्स

OnePlus ने भारतातील वर्ष 2022 मधील पहिल्या फ्लॅगशिप स्मार्टफोनची किंमत कमी केली आहे. OnePlus ने आपल्या फ्लॅगशिप स्मार्टफोन OnePlus 10 Pro च्या किंमतीत कपात केली आहे. फोनचे विशेष फिचर म्हणजे कॅमेरा आणि बॅटरी होय. हा स्मार्टफोन दोन व्हेरिएंटमध्ये येतो आणि दोन्ही व्हेरिएंटच्या किमतीत 5,000 रुपयांची घट झाली आहे.

हे सुद्धा वाचा : Undo delete message : WhatsApp मध्ये आले अतिशय महत्त्वाचे फीचर, युजर्सचे सर्वात मोठे टेन्शन दूर

OnePlus 10 Pro ची नवीन किंमत आणि ऑफर

OnePlus 10 Pro दोन व्हेरिएंटमध्ये येतो. 8GB + 128GB आणि 12GB + 256GB ची किंमत अनुक्रमे 66,999 आणि  71,999 रुपये आहे. किमतीत कपातीनंतर, ग्राहक 8GB रॅम व्हेरिएंट 61,999 रुपयांना आणि 12GB RAM मॉडेल 66,999 रुपयांना खरेदी करू शकतात. हा स्मार्टफोन Volcanic Black आणि Emerald Forest कलर ऑप्शन्समध्ये खरेदी केला जाऊ शकतो.

OnePlus 10 Pro च्या खरेदीवर काही ऑफर देखील आहेत. SBI क्रेडिट कार्ड वापरकर्त्यांना स्मार्टफोन खरेदीवर 6,000 रुपयांची त्वरित सूट मिळेल. यासोबतच, ग्राहक नो कॉस्ट EMI सह फोन खरेदी करू शकतात. तसेच, OnePlus अपग्रेड प्रोग्रामसह 5,000 रुपयांपर्यंतचा एक्सचेंज बोनस देखील मिळवू शकतात.

OnePlus 10 Pro चे स्पेसिफिकेशन्स

OnePlus 10 Proमध्ये 120Hz रिफ्रेश रेटसह 6.7-इंच लांबीचा क्वाड HD+ फ्लुइड AMOLED डिस्प्ले आहे. हा स्मार्टफोन ऑक्टा-कोर क्वालकॉम स्नॅपड्रॅगन 8 जनरल 1 प्रोसेसरद्वारे समर्थित आहे. ड्युअल सिम स्मार्टफोन Android 12 ऑपरेटिंग सिस्टमवर चालतो. स्मार्टफोन 8GB RAM आणि 128GB इंटर्नल स्टोरेज, 8GB RAM आणि 256GB इंटर्नल स्टोरेज आणि 12GB RAM आणि 256GB ऑनबोर्ड स्टोरेज अशा तीन व्हेरिएंटमध्ये येतो. 

येव्यतिरिक्त, फोनमध्ये 48MP मेन सेन्सर, 50MP अल्ट्रा-वाइड अँगल लेन्स आणि 3.3x ऑप्टिकल झूमसह 8MP टेलिफोटो कॅमेरा समाविष्ट आहे. हँडसेटमध्ये 32MP सेल्फी शूटर आहे. स्मार्टफोन स्टिरीओ स्पीकरसह येतो आणि 80W फास्ट चार्जिंग आहे. तसेच, यामध्ये 50W वायरलेस चार्जिंग आणि रिव्हर्स वायरलेस चार्जिंग सपोर्टसह 5000mAh बॅटरी आहे.  

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile