बजेट-फ्रेंडली ई-सिरीज अंतर्गत Moto E13 लाँच
नव्या स्मार्टफोनची किंमत सुमारे 10,600 रुपये
फोनची बॅटरी एकूण 36 तासांपर्यंत टिकू शकते.
Motorola ने बजेट-फ्रेंडली ई-सिरीज अंतर्गत मंगळवारी Moto E13 लाँच केला आहे. नव्याने सादर केलेल्या Moto E13 मध्ये 6.5-इंच लांबीचा HD+ IPS LCD डिस्प्ले आणि ऑक्टा कोअर Unisoc T606 SoC प्रोसेसर आहे. हा फोन Android 13 Go Edition वर काम करतो. हा फोन 64GB अंतर्गत स्टोरेजसह येतो.
हे सुद्धा वाचा : स्नॅपड्रॅगन 8 Gen 1 प्रोसेसरसह भारतातील सर्वात स्वस्त फोन असू शकतो OnePlus 11
Moto E13 चे स्पेसिफिकेशन्स
Moto E13 मध्ये 6.5-इंच लांबीचा IPS LCD डिस्प्ले 720×1,600 पिक्सेल, 60Hz रिफ्रेश रेट HD+ रिझोल्यूशनसह आहे. हा Motorola स्मार्टफोन Android 13 (Go Edition) वर काम करतो. प्रोसेसरसाठी, हा फोन Unisoc T606 SoC सह Mali-G57 MP1 GPU सह सुसज्ज आहे. स्टोरेजसाठी, यात 2GB रॅम आणि 64GB अंतर्गत स्टोरेज आहे, जे मायक्रो SD कार्डद्वारे 1TB पर्यंत वाढवता येते.
याव्यतिरिक्त, मोटोरोलाच्या या फोनमध्ये f/2.2 अपर्चर असलेला 13 मेगापिक्सलचा पहिला कॅमेरा देण्यात आला आहे. समोर 5 मेगापिक्सलचा सेल्फी कॅमेरा आहे. कनेक्टिव्हिटीसाठी, या फोनमध्ये 3.5 मिमी हेडफोन जॅक, वाय-फाय, ब्लूटूथ 5.0, जीपीएस आणि यूएसबी टाइप सी पोर्ट आहे. सेन्सर्सबद्दल बोलायचे झाले तर यामध्ये फेस अनलॉक, प्रॉक्सिमिटी सेन्सर, अॅम्बियंट लाइट सेन्सर आणि एक्सेलेरोमीटर सेन्सर देण्यात आले आहेत.
तसेच, बॅटरीबद्दल बोलायचे झाले तर यात 5,000mAh ची बॅटरी आहे, जी 36 तासांपर्यंत चालू शकते. याला 10W चार्जिंगचा सपोर्ट मिळतो. सुरक्षिततेसाठी, या फोनला IP52 रेटिंग आहे ज्यामुळे ते धूळ आणि पाणी प्रतिरोधक आहे.
Moto E13 किंमत आणि उपलब्धता
Moto E13 ची किंमत EUR 119.99 म्हणजेच 10,600 रुपये आहे. ते मोटोरोलाच्या वेबसाइटवर युरोप, मध्य पूर्व, आफ्रिका, आशिया आणि लॅटिन अमेरिकेत विक्रीसाठी खरेदी केले जाऊ शकते. हा फोन सध्या भारतात उपलब्ध नाही. हा फोन कॉस्मिक ब्लॅक, अरोरा ग्रीन आणि क्रीमी व्हाइट कलर ऑप्शनमध्ये येतो.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
