Apple MacBook Pro, Mac mini अखेर लाँच
14-इंच MacBook Pro चे स्क्रीन रिझोल्यूशन 3024x1964 पिक्सेल आहे.
16-इंच लांबीच्या मॉडेलमध्ये 3456x2234 पिक्सेल रिझोल्यूशनसह डिस्प्ले
Apple ने अखेरीस 14-इंच आणि 16-इंच साईजमध्ये MacBook Pro लाँच केला आहे. मॅकबुक व्यतिरिक्त Apple ने Mac mini डेस्कटॉप कॉम्प्युटर देखील सादर केला आहे, ज्यामध्ये M2 सीरीज प्रोसेसर देण्यात आला आहे. 14-इंच आणि 16-इंच मॅकबुक प्रो (2023) मॉडेल नुकत्याच लाँच झालेल्या M2 Pro आणि M2 Max प्रोसेसरसह सादर करण्यात आले आहेत. तर, मॅक मिनीमध्ये M2 CPU आहे आणि M2 Pro CPU चा पर्याय देखील आहे.
हे सुद्धा वाचा : 34 हजार रुपयांचा 'हा' फोन फक्त 25,999 रुपयांमध्ये उपलब्ध, पहा ऑफर
MacBook Pro (14-inch, 2023), MacBook Pro (16-inch, 2023)
M2 Pro CPU सह 14-इंच साईज आणि 10 CPU कोर असलेल्या MacBook Pro ची किंमत 1,99,900 रुपये आहे. याला 16GB RAM मिळेल, जरी ती 32GB वर कॉन्फिगर केली जाऊ शकते. यात 512GB SSD स्टोरेज मिळेल, जे 1TB, 2TB, 4TB आणि 8TB मध्ये कॉन्फिगर केले जाऊ शकते. नवीन MacBook Pro मध्ये तीन थंडरबोल्ट 4, HDMI व्हिडिओ आउटपुट, एक SDXC कार्ड स्लॉट आणि 3.5mm ऑडिओ जॅक आहे. यासोबतच 1080 पिक्सलचा वेबकॅमही उपलब्ध असेल. लॅपटॉपसह 6 स्पीकर आहेत.
14-इंच MacBook Pro चे स्क्रीन रिझोल्यूशन 3024×1964 पिक्सेल आहे, तर 16-इंच लांबीच्या मॉडेलमध्ये 3456×2234 पिक्सेल रिझोल्यूशनसह डिस्प्ले आहे. स्क्रीनमध्ये 120Hz च्या रिफ्रेश रेटसह लिक्विड रेटिना XDR डिस्प्ले आहे. डिस्प्लेची कमाल ब्राइटनेस 1000 nits आहे. यासह, चार्जरसाठी 67W, 96W किंवा 140W USB Type-C पर्याय उपलब्ध असतील.
किंमत :
Apple MacBook Pro (14-इंच, 2023) ची किंमत 1,99,900 रुपयांपासून सुरू होते, तर MacBook Pro (16-इंच, 2023) 2,49,900 रुपयांपासून सुरू होते. या दोन्ही लॅपटॉप्सबाबत कंपनीने 22 तासांची बॅटरी लाइफ असल्याचा दावा केला आहे. दोन्ही मॉडेल्ससह Wi-Fi 6E साठी समर्थन देखील आहे. दोन्ही लॅपटॉप सिल्व्हर आणि स्पेस ग्रे कलरमध्ये उपलब्ध असतील.
Mac mini (2023) किंमत आणि स्पेसिफिकेशन्स
Mac mini (2023) ची सुरुवातीची किंमत 59,900 रुपये आहे. M2 प्रोसेसर या किमतीत उपलब्ध असेल, तर M2 PRO प्रोसेसर असलेल्या मॉडेलची सुरुवातीची किंमत 1,29,900 रुपये आहे. मेमरीसाठी 8GB, 16GB किंवा 24GB पर्याय उपलब्ध असतील, तर स्टोरेजसाठी 256GB SSD, 512GB, 1TB आणि 2TB पर्याय उपलब्ध असतील.
सर्व मॅक मिनीमध्ये इनबिल्ट स्पीकर्स आहेत आणि थंडरबोल्ट 4 साठी चार पोर्ट, एक HDMI आउटपुट, एक गीगाबाइट पोर्ट, दोन USB टाइप-ए पोर्ट आणि 3.5 मिमी ऑडिओ जॅक आहेत. कनेक्टिव्हिटीसाठी, यात Wi-Fi 6E आणि ब्लूटूथ 5.3 मिळेल.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
