Google Smart Glass: ഗൂഗിൾ I/O യിൽ മെറ്റയ്ക്ക് ഗൂഗിളിന്റെ ചെക്ക്മേറ്റ്!
Follow Us
ടെക് ലോകം ഏറെ നാളായി കാത്തിരുന്ന വൻ പോരാട്ടത്തിന് ഒടുവിൽ തുടക്കമായിരിക്കുന്നു. സ്മാർട്ട് ഗ്ലാസ് വിപണിയിലേക്ക് ഗൂഗിളിന്റെ പുതിയ പോരാളി എത്തി. ഗൂഗിൾ I/O 2026 വാർഷിക ഇവന്റിൽ സുന്ദർ പിച്ചൈയും സംഘവും Google Smart Glass അവതരിപ്പിച്ചു. മെറ്റയുടെ റേ ബാൻ കണ്ണടകൾക്ക് എതിരാളിയായാണ് പുതിയ സ്മാർട്ട് ഗ്ലാസ് എത്തിയത്. ഗൂഗിളിനൊപ്പം സാക്ഷാൽ സാംസങ്ങും കൈകോർത്താണ് പുതിയ സ്മാർട്ട് ഗ്ലാസുകൾ വിപണിയിൽ എത്തിക്കുന്നത്.
Surveyഗൂഗിളിന്റെ ഏറ്റവും പുതിയ ജെമിനി AI സപ്പോർട്ട് കൂടിയുള്ള ഗ്ലാസാണിത്. വെറുമൊരു ഓഡിയോ ഗ്ലാസ് എന്നതിനപ്പുറം ഡിസ്പ്ലേയിലും മറ്റും നൂതന സവിശേഷതകൾ ഇതിൽ ലഭിക്കും. ഗൂഗിളിന്റെ കാത്തിരുന്ന ഈ സ്മാർട്ട് ഗ്ലാസുകളുടെ പ്രത്യേകതകൾ അറിയാം.
Google Smart Glass
ഓഡിയോ ഫോക്കസ്ഡ് സ്മാർട്ട് ഗ്ലാസുകളും ഡിസ്പ്ലേയുള്ള മോഡലുകളും ഇതിൽ ഉൾപ്പെടും. ഈ വർഷം അവസാനം ആദ്യത്തെ ഓഡിയോ ഗ്ലാസുകൾ എത്തുമെന്നാണ് ഗൂഗിൾ അറിയിച്ചത്.
പുതിയ വെയറബിൾ വിഭാഗത്തിൽ ഓഡിയോ ഫോക്കസ്ഡ് സ്മാർട്ട് ഗ്ലാസുകളും ഡിസ്പ്ലേ സജ്ജീകരിച്ച മോഡലുകളും ഉൾപ്പെടും. തിരഞ്ഞെടുത്ത വിപണികളിൽ ഈ വർഷം അവസാനം ആദ്യത്തെ ഓഡിയോ ഗ്ലാസുകൾ എത്തുമെന്ന് കമ്പനിയുടെ ബ്ലോഗ് പോസ്റ്റിൽ വ്യക്തമാക്കിയിട്ടുണ്ട്.
Also Read: കാത്തിരുന്ന ഓഫർ! 200MP ക്യാമറയുള്ള Redmi Note 14 Pro+ വൻ വിലക്കുറവിൽ…
ഐവെയർ ബ്രാൻഡുകളായ ജെന്റിൽ മോൺസ്റ്റർ, വാർബി പാർക്കർ എന്നിവരുമായി സഹകരിച്ചാണ് ഗൂഗിൾ ഗ്ലാസുകൾ വരുന്നത്. പരമ്പരാഗത പ്രിസ്ക്രിപ്ഷൻ-സ്റ്റൈൽ ഫ്രെയിമുകൾ ഇഷ്ടപ്പെടുന്നവർക്ക് വാർബി പാർക്കർ മോഡലുകളും ഇണങ്ങുമെന്നാണ് സൂചന.
ആൻഡ്രോയിഡ്, iOS ഉപകരണങ്ങളുമായി ബന്ധിപ്പിക്കുമ്പോൾ ഹാൻഡ്സ് ഫ്രീ ഉപയോഗം ഇതിൽ സാധ്യമാകും. ജെമിനി AI സപ്പോർട്ടുള്ള ഗൂഗിൾ നാവിഗേഷൻ, മെസേജിങ്, മ്യൂസിക് പ്ലേബാക്ക്, എന്നിവയക്കെല്ലാം ഈ സൌകര്യം പ്രയോജനപ്പെടുത്താം. ലൈവ് ട്രാൻസ്ലേഷൻ, വോയ്സ് അസിസ്റ്റഡ് നാവിഗേഷൻ തുടങ്ങിയ ഫീച്ചറുകളും ഇതിനുണ്ട്.
