FIFA World Cup Final 2026: കലാശപ്പോരാട്ടം ലൈവായി മൊബൈലിൽ കാണാം, എങ്ങനെ?
Follow Us
ഇന്ന് ഫിഫ ലോകകപ്പ് 2026 കലാശക്കൊട്ട്! Fifa World Cup ഫൈനൽ 2026 മത്സരം ആരംഭിക്കാൻ മണിക്കൂറുകൾ മാത്രം ബാക്കിനിൽക്കെ, ഇന്ത്യക്കാർക്ക് എങ്ങനെ മത്സരം കാണാമെന്ന് നോക്കാം. ഫിഫ ലോകകപ്പ് ഇന്ത്യയിൽ മൊബൈലിലും ടിവിയിലുമായി കാണാൻ ആഗ്രഹിക്കുന്നവർക്ക് സീ5 വഴി ലോകകപ്പ് കാണാം. ഡിവൈസ് പരിധി വീണ്ടും പഴയ പടിയാക്കിയതിനാൽ മൂന്ന് മാസത്തെ ആക്സസ് വരെ സീ5 ന്റെ ബജറ്റ് പ്ലാനിൽ ലഭിക്കും. ആരാധകർ അറിഞ്ഞിരിക്കേണ്ട സീ5 പ്ലാൻ വിവരങ്ങൾ ഇവിടെ വിശദീകരിക്കുന്നു.
SurveyFifa World Cup Final 2026 Live Zee5 Plan
കഴിഞ്ഞ 2022 ലെ ലോകകപ്പ് മത്സരങ്ങൾ ഫ്രീയായാണ് ഇന്ത്യയിൽ സംപ്രേഷണം ചെയ്തിരുന്നത്. ഇത്തവണ ഇന്ത്യക്കാർക്ക് കാൽപ്പന്തുകളിയിലെ ആവേശം നഷ്ടമാകുമെന്ന് കരുതിയിരുന്നു. ജിയോഹോട്ട്സ്റ്റാറിനും കരാർ ലഭിക്കാതെ വന്നപ്പോൾ ആരാകും ഫിഫ ലോകകപ്പ് രാജ്യത്ത് എത്തിക്കുന്നതെന്നായിരുന്നു ആശങ്ക. ഇതിന് ആശ്വാസമേകുന്ന വാർത്തയായിരുന്നു സീ5 ന് ഫിഫയുടെ സ്ട്രീമിങ് അവകാശം ലഭിച്ചത്.
ഇന്ന് രാത്രി കഴിഞ്ഞ് 12.30 ന് ഫിഫ ലോകകപ്പ് ഫൈനൽ മത്സരം നടക്കും. ആവേശപ്പോരാട്ടത്തിന് ആവേശം നൽകി കേരള സർക്കാർ സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചിട്ടുമുണ്ട്.
സീ5 ന്റെ ഏറ്റവും ജനപ്രിയ പ്ലാനുകളിലൂടെ മൊബൈലിലും ടിവിയിലും ലാപ്ടോപ്പിലുമെല്ലാം ലോകകപ്പ് കാണാം. ടൂർണമെന്റിലേക്ക് ഡിജിറ്റൽ ആക്സസ് നൽകുന്നതിനായി സീ5 ഒരു സബ്സ്ക്രിപ്ഷൻ പായ്ക്കും അവതരിപ്പിച്ചിരുന്നു. ഈ എൻട്രി ലെവൽ ഫിഫ വേൾഡ് കപ്പ് പ്ലാനിന്റെ വില 799 രൂപയാണ്. പ്ലാനിന്റെ ആനുകൂല്യങ്ങൾ അറിയാം.
Also Read: 64MP ക്യാമറ Vivo Y200 Pro 5G ആമസോണിനേക്കാൾ ലാഭത്തിൽ ഫ്ലിപ്കാർട്ടിൽ വാങ്ങാം!
Zee5 799 Plan: ആനുകൂല്യങ്ങളും വാലിഡിറ്റിയും
- വാലിഡിറ്റി: 799 രൂപയുടെ പ്ലാനിൽ 3 മാസമാണ് (90 ദിവസം) വാലിഡിറ്റി
- ആക്സസ്: ഒരേസമയം ഒന്നിലധികം സ്ക്രീനുകളിലേക്കുള്ള ആക്സസ് വീണ്ടും കമ്പനി പുനഃസ്ഥാപിച്ചു. 3 ഡിവൈസുകളിൽ സീ5 ആനുകൂല്യം ലഭിക്കും.
- ക്വാളിറ്റി സപ്പോർട്ട്: ഫുട്ബോൾ ആവേശം ഒട്ടും ചോരാതെ, 1080p (Full HD) ക്വാളിറ്റിയിലും, ഡോൾബി അറ്റ്മോസ് ഓഡിയോ സപ്പോർട്ടിലും പരിപാടികൾ ആസ്വദിക്കാം.
- നേട്ടം: സിനിമകളും വെബ് സീരീസുകളും ടിവി ഷോകളും പരസ്യങ്ങളില്ലാതെ കാണാം.
കൂടുതൽ വാലിഡിറ്റി നോക്കുന്നവർക്ക് ഒരു വർഷത്തെ പ്ലാനായ 1699 രൂപയുടെ പാക്കേജ് തെരഞ്ഞെടുക്കാവുന്നതാണ്.
