Jioയിൽ 395 രൂപയ്ക്ക് റീചാർജ് ചെയ്താൽ 84 ദിവസം വാലിഡിറ്റി

നിലവിൽ രാജ്യത്തെ ഒന്നാം നമ്പർ ടെലികോം ബ്രാൻഡാണ് Reliance Jio. വിലകുറഞ്ഞ ഡാറ്റ പ്ലാനുകൾ വാഗ്ദാനം ചെയ്യുന്നതിന് പുറമെ, താരതമ്യേന വേഗത്തിലുള്ള ഇന്റർനെറ്റാണ് ലഭിക്കുന്നതെന്നും ജിയോയുടെ ജനപ്രിയത വർധിപ്പിക്കുന്നു. എന്നിരുന്നാലും, കഴിഞ്ഞ കുറച്ച് വർഷങ്ങളായി, ജിയോയുടെ പ്രതിമാസ റീചാർജ് പ്ലാനിന്റെ വില ഉയർത്തിയിട്ടുണ്ട്. ഒരു മാസം അല്ലെങ്കിൽ 28 ദിവസത്തെ വാലിഡിറ്റിയുള്ള Recharge planകൾക്കായി കുറഞ്ഞത് 200 രൂപയെങ്കിലും ചെലവഴിക്കേണ്ടതായി വരുന്നു. ഈ റീചാർജ് പ്ലാനുകളിൽ വളരെ പരിമിതമായാണ് ഇന്റർനെറ്റ് ലഭ്യമാകുന്നതെന്നതും മറ്റൊരു പരിമിതിയാണ്.

Survey

എന്നാൽ, Jioയുടെ സ്പെഷ്യൽ റീചാർജ് പ്ലാനിലൂടെ നിങ്ങൾക്ക് 84 ദിവസത്തെ വാലിഡിറ്റിയിൽ ഇന്റർനെറ്റ് ലഭിക്കുന്നതാണ് ഏറ്റവും പുതിയ വാർത്ത. അതായത്, 395 രൂപയ്ക്ക് 84 ദിവസത്തെ വാലിഡിറ്റി ലഭിക്കുന്നു. എന്നാൽ ശ്രദ്ധിക്കേണ്ടത്, മൈ ജിയോ ആപ്പിൽ മാത്രമേ ഇത് ലഭ്യമാകൂ എന്നതാണ്. 

Add As A Trusted Source For Google.

Add as a preferred source on Google

ജിയോയുടെ 395 പ്രീപെയ്ഡ് റീചാർജ് പ്ലാൻ (Rs.395 Recharge plan) 6 ജിബി ഡാറ്റ, 1000 എസ്എംഎസ്, മുഴുവൻ സബ്‌സ്‌ക്രിപ്‌ഷൻ കാലയളവിനും അൺലിമിറ്റഡ് കോളുകൾ എന്നിവ വാഗ്ദാനം ചെയ്യുന്നു.
ഈ പ്ലാൻ മുമ്പ് സൂചിപ്പിച്ചതുപോലെ, മുഴുവൻ കാലയളവിലേക്കും 6GB ഡാറ്റ മാത്രമേ വാഗ്ദാനം ചെയ്യുന്നുള്ളൂ. അതായത്, ഇത് പ്രതിദിനം 6GB ഡാറ്റ നൽകുന്നില്ല. 

അതിനാൽ, എല്ലാ ദിവസവും 1/2GB മൊബൈൽ ഡാറ്റ ഉപയോഗിക്കുന്നവർക്ക് ഈ പ്ലാൻ മികച്ചതായിരിക്കില്ല. എന്നിരുന്നാലും, വോയ്‌സ് കോളുകൾക്കായി അവരുടെ ഫോൺ നമ്പർ സൂക്ഷിക്കാനും വൈഫൈ നെറ്റ്‌വർക്കിലേക്ക് ആക്‌സസ് ഉള്ളവർക്കും, ഈ പ്ലാൻ ധാരാളം പണം ലാഭിക്കാൻ സഹായിക്കും. ഡാറ്റ തീർന്നുപോയാലും, ഒരാൾക്ക് ആഡ്-ഓൺ ഡാറ്റ പ്ലാനുകൾ ലഭിക്കും. അത് 15 രൂപയ്ക്ക് 1GB 4G ഡാറ്റയോ,25 രൂപയ്ക്ക് 2GB ഡാറ്റയോ വാഗ്ദാനം ചെയ്യുന്നു.

ജിയോ വെൽക്കം ഓഫറിന് കീഴിൽ സൗജന്യ അൺലിമിറ്റഡ് 5G നെറ്റ്‌വർക്ക് ആക്‌സസ്സ് ജിയോ വാഗ്ദാനം ചെയ്യുന്നതിനാൽ, തിരഞ്ഞെടുത്ത നഗരങ്ങളിൽ ഉപയോക്താക്കൾക്ക് 1Gbps വരെ ഡൗൺലോഡ് വേഗതയിൽ അതിവേഗ 5G ഡാറ്റ ആസ്വദിക്കാൻ കഴിയും. അതിനാൽ, 5G നെറ്റ്‌വർക്കിലേക്ക് ആക്‌സസ് ഉള്ള ജിയോ ഉപയോക്താക്കൾക്കുള്ള മികച്ച റീചാർജ് പ്ലാൻ കൂടിയാണിത്.

395 രൂപയുടെ റീചാർജ് പ്ലാൻ എങ്ങനെ ചെയ്യാം?

നിങ്ങളുടെ സ്മാർട്ട്ഫോണിൽ My Jio ആപ്പ് ഡൗൺലോഡ് ചെയ്യുക. ശേഷം, ലോഗിൻ ചെയ്യുക. തുടർന്ന് താഴെയുള്ള മെനുവിലെ റീചാർജ് ഓപ്ഷനിൽ ക്ലിക്ക് ചെയ്യുക. അടുത്ത പേജിൽ വലത് നിന്നും ഇടത്തേക്ക് Swipe ചെയ്ത് value ക്ലിക്ക് ചെയ്യുക. ഇവിടെ 395 രൂപയുടെ റീചാർജ് പ്ലാൻ തെരഞ്ഞെടുക്കുക.

Follow Us

Anju M U

Anju M U specializes in mobile technology, AI, and consumer gadgets at Digit Malayalam. With over 6 years of experience, she simplifies complex telecom and OTT updates into actionable insights for the Malayalam news community. View Full Profile