Jio വരിക്കാരേ, നിങ്ങൾക്കിനി കോളിങ്ങിലും MyJio ആപ്പിലും സ്മാർട്ട് AI സേവനങ്ങൾ!
Follow Us
Jio വരിക്കാർക്ക് തങ്ങളുടെ ഡിജിറ്റൽ അനുഭവം കൂടുതൽ മെച്ചപ്പെടുത്തുന്നതിനായി പുതിയ AI അധിഷ്ഠിത സേവനങ്ങൾ അവതരിപ്പിച്ചു. കോളിങ് സേവനങ്ങളിലും MyJio ആപ്പിലും ആർട്ടിഫിഷ്യൽ ഇന്റലിജൻസ് സാങ്കേതികവിദ്യ കമ്പനി കൊണ്ടുവരുന്നു. പുതിയ AI Call Agent ഫീച്ചറാണ് ഇതിനുള്ളത്. ഉപഭോക്തൃ സേവനം കൂടുതൽ കാര്യക്ഷമമാക്കുന്നതിനും ഡിജിറ്റൽ സേവനങ്ങൾ എല്ലാവർക്കും എളുപ്പത്തിൽ ലഭ്യമാക്കുന്നതിനുമായാണ് സ്മാർട്ട് എഐ ഫീച്ചറുകൾ അവതരിപ്പിക്കുന്നത്.
Surveyദൈനംദിന സേവനങ്ങൾ കൂടുതൽ സ്മാർട്ടായി ഉപയോഗിക്കാൻ Smart MyJio Assistant സഹായിക്കും. എന്താണ് അംബാനിയുടെ ടെലികോം അവതരിപ്പിച്ച പുതിയ ജിയോ സേവനമെന്ന് അറിയാം.
Jio Call Agent: നിങ്ങളുടെ കോളുകളിലേക്ക് ഇനി AI
ജിയോ കോൾ ഏജന്റ് ഒരു AI അസിസ്റ്റന്റാണ്. ഇതിനായി നിങ്ങൾ ഒന്നും പ്രത്യേകം ഡൗൺലോഡ് ചെയ്യേണ്ടതില്ല. പകരം നിങ്ങളുടെ വോയിസ് കോളിങ്ങിനിടെയും മറ്റും ‘ഹേ ജിയോ’ എന്ന് പറഞ്ഞാൽ മതി. ജിയോ അസിസ്റ്റന്റ് നിങ്ങളുടെ അനുമതിയോടെ നിങ്ങളുടെ സംഭാഷണത്തിൽ ഇടപെടുന്നു. ഇങ്ങനെ നിങ്ങൾക്കുള്ള സംശയങ്ങളെല്ലാം ലഘൂകരിക്കാനും മറ്റും സഹായിക്കുന്നു.
അഥവാ നിങ്ങളൊരു ഗ്രൂപ്പ് കോളിൽ ആണെങ്കിൽ നിങ്ങൾക്ക് തത്സമയ ട്രാൻസ്ക്രിപ്ഷൻ, ഒന്നിലധികം ഇന്ത്യൻ ഭാഷകൾക്കുള്ള സപ്പോർട്ടും ലഭിക്കുന്നു. 10 പേർക്ക് വരെ സ്പീക്കർ ഐഡന്റിഫിക്കേഷൻ സപ്പോർട്ടും ഇതിൽ ലഭിക്കുന്നതാണ്.
MyJio App ആപ്പിലും സ്മാർട്ട് എഐ അസിസ്റ്റന്റ്!
ഇനി മുതൽ മൈജിയോ ആപ്പ് വെറുമൊരു മൊബൈൽ ടെലികോം ആപ്ലിക്കേഷനല്ല. പകരം ജിയോയുടെ സേവനത്തിനായി ഒരു AI റിലേഷൻഷിപ്പ് മാനേജറെ ആപ്പിൽ ലഭിക്കുന്നു. നിങ്ങൾക്ക് ആവശ്യമുള്ളത് സംസാരിക്കാനും ടൈപ്പ് ചെയ്ത് ചോദിക്കാനും ഈ എഐ ഫീച്ചറിലൂടെ സാധിക്കും.
Also Read: വമ്പൻ 8000mAh ബാറ്ററിയുള്ള Tecno POVA 8 5G ഇന്ന് മുതൽ വിൽപ്പനയ്ക്ക്!
eSIM ആക്ടിവേഷനായി സെൽഫ് ഇ കെവൈസി സംവിധാനം ഇതിലൂടെ ലഭിക്കുന്നു. ഇതിനൊപ്പം ജിയോയുടെ സ്മാർട്ട് ഹോം സംവിധാനങ്ങളിലേക്കും ജിയോയുടെ സ്മാർട്ട് എഐ സപ്പോർട്ട് സജ്ജീകരിച്ചിട്ടുണ്ട്. ഷോപ്പിങ് അസിസ്റ്റന്റ്, ഫാമിലി കെയർ സർവീസ്, സ്മാർട്ട് ഡിവൈസ് കൺട്രോൾ തുടങ്ങിയ ഫീച്ചറുകളാണ് TeleFrame എന്ന ജിയോ ഹോം സേവനങ്ങളിലേക്ക് എത്തിക്കുന്നത്.
