70 ദിവസം അൺലിമിറ്റഡ് കോളിങ്, JioHotstar, അൺലിമിറ്റഡ് 5G തരുന്ന കിടിലൻ Jio Plan അറിയാമോ?

Jio 70 Days Plan: ഉയർന്ന സ്പീഡുള്ള 5G നെറ്റ്‌വർക്കും അൺലിമിറ്റഡ് കോളിങ്ങും ലഭിക്കുന്ന ഒരു കിടിലൻ പ്ലാനിനെ കുറിച്ച് അറിയണ്ടേ? ദിവസം 10 രൂപ ഈടാക്കുന്ന ജിയോ റീചാർജ് പ്ലാനാണിത്. ജിയോയുടെ ഈ പ്രീപെയ്ഡ് പ്ലാനിൽ 70 ദിവസത്തെ വാലിഡിറ്റിയാണുള്ളത്. കുറഞ്ഞ ചെലവിൽ കൂടുതൽ ഡാറ്റയും ദീർഘകാല വാലിഡിറ്റിയും ഈ റീചാർജിൽ ലഭിക്കും. സാധാരണ ഉപയോക്താക്കൾക്കും ഡാറ്റാ-ഹെവി യൂസർമാർക്കും അനുയോജ്യമായ പ്ലാനാണിത്. സിനിമകളും വെബ് സീരീസുകളും ലൈവ് സ്പോർട്സ് ഉൾപ്പെടെ വിനോദസേവനങ്ങൾ ആസ്വദിക്കാൻ സ്വകാര്യ ടെലികോം ജിയോഹോട്ട്സ്റ്റാർ സേവനവും തരുന്നുണ്ട്. ജിയോയുടെ ഈ റീചാർജ് പ്ലാനിനെ കുറിച്ച് വിശദമായി അറിയാം.

Survey

Jio 70 Days Plan

തുടർച്ചയായി റീചാർജ് ചെയ്യേണ്ടി വരുന്ന ബുദ്ധിമുട്ട് ഒഴിവാക്കാൻ മാത്രമല്ല, മികച്ച ഒടിടി ഓഫറും 5ജി സ്പീഡിൽ ഇന്റർനെറ്റും ഈ പ്ലാനിൽ നിന്ന് ആസ്വദിക്കാം. ജിയോയുടെ ഈ റീചാർജ് പ്ലാനിന് വെറും 719 രൂപ മാത്രമാണ് ചെലവാകുന്നത്.

ദിവസം 10 രൂപ നിരക്കിലുള്ള പ്ലാനിൽ ജിയോയുടെ ട്രൂ 5ജി ഇന്റർനെറ്റ് ആസ്വദിക്കാം. രണ്ടരമാസത്തേക്ക് വൈ-ഫൈ സേവനമില്ലാത്തവർക്ക്, ഫാസ്റ്റ് കണക്റ്റിവിറ്റിയും ഇന്റർനെറ്റും 719 രൂപ പ്ലാനിൽ നിന്ന് ലഭിക്കുന്നു.

1. കോളിങ്: അൺലിമിറ്റഡ് ലോക്കൽ, എസ്ടിഡി (STD) കോളുകൾ ആസ്വദിക്കാം. ഇന്ത്യയിലെ ഏത് നെറ്റ്‌വർക്കിലേക്കും പരിധിയില്ലാതെ കോളിങ് സേവനം ചെയ്യാനാകും.
2. ഡാറ്റ: 5ജി കവറേജുള്ള പ്രദേശങ്ങളിൽ, ട്രൂ 5ജി ഇന്റർനെറ്റ് ലഭ്യമാണ്. 2GB ഹൈ-സ്പീഡ് 4ജി ഡാറ്റയും ഇതിലുണ്ട്.
3. എസ്എംഎസ്: പ്രതിദിനം 100 സൗജന്യ എസ്എംഎസ് സേവനം ലഭിക്കുന്നു.

Jio 719 Plan Extra Benefits

719 രൂപ പ്ലാനിലെ അധിക ഓഫർ എന്താണെന്ന് നോക്കിയാലോ? സിനിമകളും വെബ് സീരീസുകളും ലൈവ് സ്പോർട്സുകളും ഫ്രീയായി ആസ്വദിക്കാൻ ഈ റീചാർജ് പ്ലാൻ മികച്ചതാണ്. ഇതിൽ ടെലികോം 3 മാസത്തേക്ക് ജിയോഹോട്ട്സ്റ്റാർ സബ്സ്ക്രിപ്ഷൻ അനുവദിച്ചിരിക്കുന്നു. ഫയലുകളും ഫോട്ടോകളും സുരക്ഷിതമായി സൂക്ഷിക്കാൻ 50ജിബി ജിയോ എഐക്ലൗഡ് സേവനവും തരുന്നു. പ്ലാനിൽ ഒരു വർഷത്തേക്ക് ഫ്രീയായി ജെമിനി പ്രോ ലഭിക്കുന്നു.

ജിയോയുടെ 70 ദിവസ പ്ലാനിനൊപ്പം ഫ്രീ ഹോട്ട്സ്റ്റാർ ഉൾപ്പെടെ വേണമെങ്കിൽ 719 രൂപ റീചാർജ് തെരഞ്ഞെടുക്കാം. എന്നാൽ ഇതേ വാലിഡിറ്റിയും കുറഞ്ഞ തുകയുമാണെങ്കിൽ മറ്റൊരു റീചാർജ് ഓപ്ഷൻ കൂടി ലഭ്യമാണ്. അൺലിമിറ്റഡ് 5ജി ലഭ്യമല്ലാത്ത 666 രൂപയുടെ പാക്കേജിനെ കുറിച്ചാണ് ഇനി പറയുന്നത്.

Also Read: എന്തൊരു സിമ്പിളാ ഈ പ്ലാൻ! BSNL 30 ദിവസത്തേക്ക് തരുന്ന ഈ ചെറിയ റീചാർജ് മിസ്സാക്കണോ?

ജിയോ 666 രൂപ പ്ലാൻ

70 ദിവസത്തെ വാലിഡിറ്റിയുള്ള ഈ പ്ലാനിന് വില 666 രൂപയാണ്. ഇതിന്റെ ദിവസച്ചെലവ് വെറും 9.5 രൂപയാണ്. പരിധിയില്ലാതെ കോളിംഗ്, 100 സൗജന്യ എസ്എംഎസുകളും അനുവദിച്ചിട്ടുള്ള പ്ലാനാണിത്.

• വാലിഡിറ്റി: 70 ദിവസം
• ഡാറ്റ: ദിവസേന 1.5GB ഡാറ്റ, അൺലിമിറ്റഡ് 5ജി ലഭ്യമല്ല
• കോളിങ്: അൺലിമിറ്റഡ് വോയിസ് കോളിങ്, നാഷണൽ, ലോക്കൽ കോളുകൾ ചെയ്യാം. റോമിങ് സേവനവും ലഭ്യം.
• എസ്എംഎസ്: പ്രതിദിനം 100 SMS
• അധിക ഓഫറുകൾ: 5000 GB ക്ലൗഡ് സ്റ്റോറേജ്, Google Gemini സബ്സ്ക്രിപ്ഷൻ എന്നിവയുണ്ട്. ഇതിൽ 719 രൂപ പ്ലാനിലെ ജിയോഹോട്ട്സ്റ്റാർ ആക്സസ് ലഭിക്കില്ല.

Anju M U

Anju M U specializes in mobile technology, AI, and consumer gadgets at Digit Malayalam. With over 6 years of experience, she simplifies complex telecom and OTT updates into actionable insights for the Malayalam news community. View Full Profile