7000mAh പവർഫുൾ, 200MP Samsung HP5 സെൻസറുള്ള വമ്പൻ Vivo ഫോൺ പുറത്തിറങ്ങി

വ്യത്യസ്തമായ ഫോണുകളിലൂടെ വിപണി കീഴടക്കുന്ന Vivo പുതിയ കിടിലൻ ഫോൺ പുറത്തിറക്കി. മീഡിയടെക് ഡൈമെൻസിറ്റി 7400 ചിപ്‌സെറ്റിൽ പ്രവർത്തിക്കുന്ന വിവോ വി500 പ്രോയാണ് കമ്പനി അവതരിപ്പിച്ചത്. ചൈനയിൽ പുറത്തിറക്കിയ Vivo Y500 Pro ബാറ്ററിയിലും, ക്യാമറയിലുമെല്ലാം പുലിയാണ്. ഈ ഫോണിന്റെ വിലയും ഫീച്ചറുകളും എന്തൊക്കെയെന്ന് അറിയണ്ടേ?

Vivo Y500 Pro Specifications in Malayalam

1.5K റെസല്യൂഷനുള്ള 6.67 ഇഞ്ച് OLED ഡിസ്‌പ്ലേയുള്ള ഫോണാണിത്. 120Hz റിഫ്രഷ് റേറ്റും 1600 nits പീക്ക് ബ്രൈറ്റ്നെസ്സും ഈ ഫോണിന്റെ ഡിസ്പ്ലേയ്ക്കുണ്ട്.

ഇത് ഒക്ടാ-കോർ 4nm മീഡിയടെക് ഡൈമെൻസിറ്റി 7400 ചിപ്‌സെറ്റിലാണ് പ്രവർത്തിക്കുന്നത്. 12GB വരെ LPDDR4X റാമും 512GB വരെ UFS2.2 സ്റ്റോറേജും ഇതിൽ ഉൾപ്പെടുന്നു.

വിവോ വൈ500 പ്രോയിൽ 200 മെഗാപിക്സൽ സാംസങ് HP5 സെൻസറുണ്ട്. f/2.4 അപ്പേർച്ചറുള്ള 2-മെഗാപിക്സൽ ഡെപ്ത് സെൻസർ ഫോണിനുണ്ട്. ഇതിൽ സെൽഫികൾക്കും വീഡിയോ കോളുകൾക്കുമായി f/2.45 അപ്പേർച്ചറുള്ള 32-മെഗാപിക്സൽ ഫ്രണ്ട് ക്യാമറയുമുണ്ട്.

90W ഫാസ്റ്റ് ചാർജിംഗിനുള്ള പിന്തുണയുള്ള 7,000mAh ബാറ്ററി ഇതിൽ സജ്ജീകരിച്ചിരിക്കുന്നു. പൊടി, വെള്ളം പ്രതിരോധിക്കുന്നതിനായി IP68+IP69-റേറ്റിങ്ങും ഈ ഫോണിനുണ്ട്.

വിവോ വൈ500 പ്രോയിൽ A-GPS, Beidou, GLONASS, Galileo, QZSS, OTG, Wi-Fi, NavIC ഓപ്ഷനുകളുണ്ട്. ഇതിൽ 5G, ബ്ലൂടൂത്ത് 5.4, GPS കണക്റ്റിവിറ്റി ലഭിക്കുന്നുണ്ട്. സ്മാർട്ഫോൺ യുഎസ്ബി ടൈപ്പ് സി ചാർജിങ്ങിനെ പിന്തുണയ്ക്കുന്നു. USB Type-C പോർട്ട് ഇതിനുണ്ട്.

ഇ-കോമ്പസ്, ഗൈറോസ്കോപ്പ്, ഗ്രാവിറ്റി സെൻസർ, ഇൻഫ്രാറെഡ് റിമോട്ട് കൺട്രോൾ, ഫോട്ടോസെൻസിറ്റീവ് സെൻസർ, പ്രോക്സിമിറ്റി സെൻസർ എന്നിവയും ഫോണിലുണ്ട്. ബയോമെട്രിക് സ്ഥിരീകരണത്തിനായി ഇൻ-ഡിസ്പ്ലേ ഫിംഗർപ്രിന്റ് സ്കാനർ ഫോണിൽ സജ്ജീകരിച്ചിരിക്കുന്നു.

വിവോ വൈ500 പ്രോയുടെ ചൈനയിലെ വില എത്ര?

വിവോ വൈ500 പ്രോയ്ക്ക് നാല് സ്റ്റോറേജ് വേരിയന്റുകളാണ് ചൈനയിൽ അവതരിപ്പിച്ചത്. 8 ജിബി റാം + 128 ജിബി സ്റ്റോറേജ് മോഡലിന് 1,799 യുവാനാകും. ഇത് ഏകദേശം 22,000 രൂപയാണ്.

Also Read: Airtel Shock! Unlimited കോളിങ്ങും 1ജിബിയും തന്ന എയർടെൽ സൂപ്പർ ബജറ്റ് പ്ലാൻ ഇനി ഇല്ല?

8 ജിബി + 256 ജിബി ഫോണിന് 1,999 യുവാൻ (ഏകദേശം 25,000 രൂപ) ആണ് വില. 12 ജിബി + 256 ജിബി സ്റ്റോറേജിന് 2,299 യുവാൻ (ഏകദേശം 28,000 രൂപ) ആണ് വില. 12 ജിബി + 512 ജിബി വിവോ വൈ500 പ്രോയ്ക്ക് 2,599 യുവാൻ (ഏകദേശം 32,000 രൂപ) ആണ് വില.

ഈ സ്മാർട്ഫോണുകൾ ഓസ്പിഷ്യസ് ക്ലൗഡ്, ലൈറ്റ് ഗ്രീൻ, സോഫ്റ്റ് പൗഡർ, ടൈറ്റാനിയം ബ്ലാക്ക് നിറത്തിലാണ് പുറത്തിറക്കിയത്.